Sweet到震！
藝人鄭嘉穎與陳凱琳（Grace）今日在峇里BVLGARI酒店，今天早上嘉穎進行接新娘儀式，為娶得美人歸，他有求必應，在Grace要求下，他更唱出自己歌曲《一千個願意》，又抱起Grace由走廊行入大廳，足足200呎路程，向雙方家長進行斟茶儀式！雖然未有特別玩新郎環節，但嘉穎仍有畀開門利事給眾兄弟姊妹，至於花球則由新娘的一個圈外女性朋友接到。
鄭嘉穎接受東網訪問，他笑言：「冇辦法啦，為咗娶老婆，乜都要做啦，今次算好簡單，Grace嘅好姊妹好易話為，只係抱咗佢同埋唱咗首歌啫！」嘉穎講到婚禮感受時坦承十分感動：「我見Grace行入教堂我已經忍唔住，都流咗兩滴眼淚，亦都好感觸，大家講咗好多真心話，其實我覺得我哋嘅婚禮比起其他婚禮好唔同，除咗有一段好official嘅誓詞之外，自己都講咗一段對對方心目中嘅感覺，呢段係我哋兩個都好感動，多謝大家嘅祝福，多謝晒。因為我哋想一切從簡而隆重嘅禮婚，所以之前就唔通知大家（傳媒），亦都唔想大家辛苦。」
鄭嘉穎又感激各位親友遠道而來參加他們的婚禮：「我要好多謝每一位參加我哋婚禮嘅朋友，其實四、五個月前通知佢哋，佢哋因為工作嘅關係都要度期，亦好多謝佢哋百忙中抽空嚟見證我哋婚禮。」
來源 source: http://hk.on.cc
|
鍾意就快D Share啦！
|
|
|
