掃呢頁CODE去手機

2018年10月22日 星期一

黃秋生:舔犢情深 黃秋生:我願減壽20年畀媽媽 __,黃秋生,

黃秋生曾經說過:「我願減壽20年畀媽媽…」藝人黃秋生自小與母親相依為命,4歲時被外籍父親FrederickWilliamPerry將二人遺棄在港生活, ...


黃秋生曾經說過:「我願減壽20年畀媽媽…」


藝人黃秋生自小與母親相依為命,4歲時被外籍父親Frederick William Perry將二人遺棄在港生活,母子共同生活成為對方的彼此。秋生曾憶述母親在懷孕時不想將他生下來,最後秋生出世了,生後母親曾經在他幾個月大時,將洗衣粉係奶粉餵他吃,最終秋生嘔白泡令母親即送佢去醫院。見到兒子如此可憐心痛不已。秋生憶述:「佢當時係唔開心,想攬住同歸於盡。」

慘遭無良僱主趕走

全因呢件事,令到秋生媽媽唔再放棄,繼續堅強面對一個女人養大兒子。童年嘅秋生生活非常悽慘,住嘅地方又成日搬嚟搬去。當時秋生媽媽曾做過女傭,每日3點鐘就起身,做到晚上12點,做咗一個星期隻腳都已腫晒,後來因為秋生婆婆叫佢唔好再做,如果唔係命都冇,先令佢放棄。秋生亦講過當時佢哋唔可以行僱主寓所正門,只可以喺後門樓梯等人開門,最終佢哋坐咗兩個鐘,後門只開咗一條隙,行李畀人掟出嚟,人工都唔敢要,就好似打發乞丐一樣,媽媽仲痛哭不已,我只好堅強叫佢唔好喊。

年少時無知激阿媽

期間母親患上肺血管擴張,又要做手術,一生遇到重重難關。面對母親如此辛苦,作為兒子嘅秋生又豈能放心,佢話自己11、12歲時要寄宿,知道母親要割肺,每晚都喺宿舍喊,向上帝禱告:「我願減壽20年畀媽媽」。可見母子感情,最後手術成功。秋生自責年少時無知,經常向母親發脾氣,令母親非常激心。

拍戲不忘照顧母親

心底裏,秋生一直感謝為自己吃盡苦頭嘅母親,直到2016年母親患上腦退化,秋生開始後悔以前點解唔同佢傾多啲偈,兩母子感情更加深厚。雖然早前秋生爆出私生子一事,又捲入私生子的生母Joyce的風波,但秋生亦不忘照顧媽媽。日前他拍攝時亦透露母親入院,仲話情況不太樂觀:「佢依家係『等時間到』」,想不到相隔一日,二人已天人永隔。

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!