2018年11月6日 星期二

【爆相爆片】冇品司機阻住成邨人 迴旋處泊車 唔畀抄牌 __,爆相爆片,

依位冇品司機阻住成邨人45分鐘,有街坊忍唔住鬧爆佢︰呢度香港嚟㗎,要守法㗎!  https://hk.news.appledaily.com/breaking/realtime/article/20181105/58879069
噚晚8點幾,馬鞍山錦英路利安巴士總站外,泊咗一架掛中港牌嘅寶馬私家車,阻礙巴士駛入站頭,當時寶馬入面冇人,巴士站長報警。警員其後聯絡到寶馬60歲姓劉車 ...


噚晚8點幾,馬鞍山錦英路利安巴士總站外,泊咗一架掛中港牌嘅寶馬私家車,阻礙巴士駛入站頭,當時寶馬入面冇人,巴士站長報警。警員其後聯絡到寶馬60歲姓劉車主,並要求出示駕駛執照,點知車主以為警員控告佢無牌駕駛,即使警員解釋都聽唔入耳,越講越激動:「抄牌我畀你抄,但你話無牌駕駛我就一定唔會畀身份證你!」令事件小事化大。



根據市民拍攝片段顯示,警員要求車主出示駕駛執照,帶鄉音嘅劉男表示冇帶,警員於是要求佢出示身份證,並準備票控。點知劉男突然情緒激動,高呼:「你唔准抄我無牌駕駛!」警員就解釋唔係告佢無牌駕駛,而係因為佢駕駛時冇帶駕駛執照而發告票。



不過,劉男依然故我:「駕駛執照我咪返去攞囉!身份證喺度,我依家係唔畀你呀!」事件擾攘近45分鐘,有街坊忍唔住斥責劉男,「呢度香港嚟㗎,要守法㗎!」街坊同時鬧劉男缺德,「救護車都過唔到呀!」亦有街坊不滿劉男日日擺架車喺度阻住啲邨民,話「有錢大晒呀?」



警方回覆指,噚晚有巴士站長及乘客報案,指一架私家車泊咗喺錦英路利安巴士總站外迴旋處外,阻礙巴士入站,警員到場了解時發現私家車上冇人,於是發出違例泊車告票。其後警員聯絡到車主,對方未能出示駕駛執照,於是再發出一張行車時未能出示有效行車證嘅告示,車主最後揸走架車。



你敢爆,我敢獎! 立即WhatsApp《蘋果》24小時爆相爆片熱線致電:63836568




鍾意就快D Share啦!