掃呢頁CODE去手機

2019年1月17日 星期四

【爆相爆片】45億女婿吳家樂孖家人遊東京 一家五口好溫馨 __,吳家樂,爆相爆片,

 吳家樂同老婆仔女遊東京迪士尼(左讀者提供/右資料圖片)
豪門女婿吳家樂同有米老婆周蕙蕙結婚13年,現育有3名子女,包括12歲大女Nadia及10歲孖仔Nigel、Nathan,一家五口樂也融融,日前吳家樂夫 ...


豪門女婿吳家樂同有米老婆周蕙蕙結婚13年,現育有3名子女,包括12歲大女Nadia及10歲孖仔Nigel、Nathan,一家五口樂也融融,日前吳家樂夫婦帶3名子女到東京迪士尼玩,被讀者何先生透過「爆相爆片」分享溫馨樂。



何先生接受電話訪問表示:「嗰日朝早6點半,我喺新宿嘅酒店等專車去迪士尼,見到佢哋一家五口排隊上車,佢哋全程好有禮貌,講嘢好斯文,唔會嘈喧巴閉,兩公婆好恩愛,對仔女照顧無微不至,吳家樂落車後即刻幫仔女圍好頸巾,完全係傳聞中嘅廿四孝爸爸。」



家樂嘅外父係已故其士集團主席周亦卿,周亦卿於去年7月離世,估計其遺產最少達45億元。當年家樂同周蕙蕙秘密拍拖,06年被爆排期結婚,戀情才正式曝光,06年3月19日兩人在金鐘嘅酒店筵開12席婚宴。由屋邨仔變豪門女婿嘅家樂,婚後13年零緋聞,咁多年兩公婆都好恩愛,而身為千金小姐嘅周蕙蕙,生活十分低調,專心相夫教子女。



16年家樂喺大台頒獎禮獲「專業演員大獎」,佢喺台上激動落淚感謝老婆鼓勵:「冇諗過有機會攞獎,好多人想多謝,在心中,好多謝父母、老婆…老婆話:『好在你唔係好紅,多時間陪我哋!』老婆我愛你。」



【編輯推介】



【尾場喪炒逾2萬元】內地男購學友飛被搶14萬元 環球:勿買黃牛票

https://bit.ly/2DcJebZ



【冇腹肌睇】冬天拍落水戲 張家輝唔敢NG

https://bit.ly/2FDU2kI



【好亂啊】懷疑被閨密搶老公 五月天瑪莎媽媽反被告

https://bit.ly/2FwY3bE



【賢妻攻略?】演得多未實戰過 佘詩曼靠拍戲攞經驗

https://bit.ly/2SW2Nuj



【有圖有真相】深田恭子深夜會富商度春宵 新歡兩度離婚有個女

https://bit.ly/2Cqkb3v



精選娛聞,喺晒《娛果》

http://fb.com/appledailyent



吳家樂同老婆仔女遊東京迪士尼(左讀者提供/右資料圖片)  一家五口樂也融融(讀者提供) 一家五口樂也融融(讀者提供)
 家樂細心為仔女整理頸巾(讀者提供)

家樂細心為仔女整理頸巾(讀者提供)
 當日東京天氣好凍(讀者提供)

當日東京天氣好凍(讀者提供)
 讀者讚家樂係廿四孝老竇(讀者提供)

讀者讚家樂係廿四孝老竇(讀者提供)
家樂同老婆育有一女兩子(讀者提供)

家樂同老婆育有一女兩子(讀者提供)
 長女樣子好似老婆(資料圖片)

長女樣子好似老婆(資料圖片)
 結婚13年恩愛如昔(資料圖片)

結婚13年恩愛如昔(資料圖片)

鍾意就快D Share啦!