有一張少女臉的蔡卓妍（阿Sa），不經不覺已經36歲，近年演繹的角色也漸趨成熟及大膽，她最近在新戲破格演繹有性障礙的人妻，更有全裸情慾戲。阿Sa日前接受本報訪問，笑說沒有跟男友石恆聰備案，又大讚男友好free。阿Sa在06年與鄭中基結婚，可惜之後離婚，經歷一次婚姻失敗的她，坦言不會像以前衝動，現在也未有結婚計劃。
採訪：黃曉妍
攝影：仇志德
相關新聞：【蘋聞重溫】破格《雛妓》爭影后
入行18年的蔡卓妍形象活潑，過往演繹的作品也比較接近其性格，但近年阿Sa似乎有意轉戲路，15年更憑電影《雛妓》的破格演出，獲提名金像獎影后。最近阿Sa在新片《非分熟女》中再有大膽演出，除了跟台灣演員吳慷仁有全裸性愛場面，更被吳浩康掃胸摸下體。阿Sa日前接受訪問，坦言今次大膽演出，毋須向男友石恆聰備案，他也不會介意：「佢好free，因為佢喺外國長大，同埋佢好鍾意睇戲，佢睇戲睇得仲多過我。」
| | |
與男友「好開心」
阿Sa和鄭中基因04年拍攝電影《追擊8月15》撻着，10年被本報踢爆二人早於06年在美國洛杉磯秘婚，可惜婚姻只維持4年。阿Sa現與石恆聰拍拖感情穩定，經常被傳婚訊，不過曾經歷與鄭中基一段失敗婚姻，她坦言因為過往經歷，明白承諾的重要，所以不會像以前般衝動，更直言現階段未有結婚計劃：「我以前試過好衝動，所以我𠵱家會更加覺得，婚姻真係一個承諾，呢個承諾係包含好多嘢，唔係話𠵱家好開心，兩個人我愛你你愛我，就去做一樣嘢，有好多嘢要砌好晒先，我覺得一定要計劃好先可以行呢一步，暫時處於我好開心，佢好開心，大家相處好舒服嘅狀態。」是否想事業有成才展開人生另一階段？阿Sa說：「唔關所有嘢事，到時個天會話畀你聽，你要行邊一步，暫時處於好開心嘅狀態。」
相關新聞：【蘋聞重溫】女尊男卑戀陳偉霆
好姊妹鍾欣潼（阿嬌）在婚前派對上，親手將花球送到她手上，似乎比她更開心，阿Sa笑謂：「一個祝福箒，佢送個花球畀我之後，我今年拍咗四套電影，有三套都要着婚紗，唔緊要，拍戲箒！其實我都唔急，都唔知大家急乜嘢，問個天」
今次在新戲中，阿Sa飾演的角色有性障礙，即使結婚四年仍是處女，最後吳浩康飾的演老公受不了要離婚，直至遇上吳慷仁飾演的法國廚師才鼓起勇氣尋回自己的靈與慾。阿Sa坦言今次演繹的角色，與自己是相反：「我同導演傾劇本時，佢都叫我演一個同我自己相反嘅人，對於我嚟講唔係太大難度，只要想像我平時唔會咁樣。」
不過，阿Sa在片中要被現實生活中相識多年的吳浩康摸胸兼摸下體，可會覺得尷尬？阿Sa笑說：「我黐晒嘢㗎，黐到好厚㗎，所以係零感覺，我諗吳浩康都係掂到啲好硬嘅嘢！」其實拍攝親熱戲份場面，男演員反而比女演員緊張，阿Sa說：「係呀，佢幾緊張，拍嘅時候，佢出晒汗，有時係要cut機，抹完汗再嚟過。」
嘲吳浩康出晒汗
另外一場激情戲，則是阿Sa和吳慷仁在廚房全裸做愛，她大讚對方好gentlemen：「有遮到㗎，呢套係一套戲。我好欣賞吳慷仁，佢好有心要成為一個好好嘅演員，所以佢乜都嘗試。每一日都會傾劇本，研究點樣拍得順利啲，因為嗰啲動作戲都幾難拍，又要就鏡頭，呢場戲拍咗一日，但之前有日放假，我哋特登返片場試機位，嗰日又一日。」阿Sa又說：「喺鏡頭前面睇，兩個好似好自娛，但其實好辛苦，首先嗰張枱係好凍、好硬，跟住現場仲有十幾個人，喺心態上要高度集中，如果唔集中，好可能就要NG，好彩我哋呢場一take過。」
再爭影后冇壓力
對於有影評大讚阿Sa演技相比《雛妓》再有進步，問她可有信心角逐金像獎影后？她表示：「我覺得𠵱家係好舒服嘅狀態，一套戲成唔成功唔係一個人，最重要係自己盡咗力。𠵱家比較得心應手去處理角色，心態好重要，如果畀好大壓力自己，又或者好有目的地去做所有嘢，你會好痛苦，而且唔會做得好，你一定要最relax先做到最好嘅嘢。」
場地提供：英皇駿景酒店
|
鍾意就快D Share啦！
|
|
|
