息影12年，依家已經46歲嘅吳美珩，就算好似一般師奶去買餸，都依然質氣迫人。佢選美出身，96年以三藩市代表，當選國際華裔小姐亞軍，同屆嘅香港代表楊婉儀，只得友誼小姐。
之後吳美珩入大台拍劇，出道時雖然只有廿三歲，但已經好有女人味，所以佢唔走鄰家女孩路線，演親嘅都係貴氣專業人士角色。有中國舞根底嘅佢，曾經喺劇集《楊貴妃》裡面飾演嘅「梅妃」，一顯舞姿。
雖然個樣生得早熟，不過佢嘅凍齡功力好強，由當演員到息影做闊太，個樣都好似十年如一日，無乜變！就連打扮，咁多年都KEEP住走型格。除咗吳美珩，當年喺大台曾經同劇較量，年紀相若嘅黎姿，都係圈中數一數二嘅美魔阿太。
黎姿唔只個樣可以抗衡時間，越嚟越省鏡，同樣都係嫁俾富商老公馬廷強之後就退出幕前。不過息影後嘅佢，一樣精彩，唔揀做少奶奶，反而為細佬打理美容王國，而且越做越大，喺老公全力支持之下，17年更成為上市公司主席兼行政總裁，做一個又索又本事，身家億億聲嘅靚師奶。
當日兩位同台較量嘅花旦，今日各自成為闊太，風采依然。
來源 source: http://nextplus.nextmedia.com
|
鍾意就快D Share啦！
|
|
|
