掃呢頁CODE去手機

2019年2月19日 星期二

張家輝:《廉政風雲》票房破三千萬 林嘉欣嗌分紅! __,張家輝,林嘉欣,鍾嘉欣,

由劉青雲、張家輝及林嘉欣坐陣的英皇賀歲片《廉政風雲煙幕》開畫以來在港票房勢如破竹,新年假期日日高踞華語片票房冠軍,初十五元宵佳節,港澳區票房宣告衝破三 ...


由劉青雲、張家輝及林嘉欣坐陣的英皇賀歲片《廉政風雲 煙幕》開畫以來在港票房勢如破竹,新年假期日日高踞華語片票房冠軍,初十五元宵佳節,港澳區票房宣告衝破三千萬大關,該電影導的演麥兆輝對此佳績興奮莫名:「當然好開心,多謝大家支持!慶功宴一定要搞,呢個係《廉政》團隊所有人嘅功勞!」

對於麥導演提出一定要搞慶功宴,青雲大力支持:「電影賣座理想,身為演員一定好開心,好想同整個《廉政》團隊食餐飯,會盡量抽空出席!」張家輝正在外地工作,聽到消息亦感到好高興!

正身在法國的嘉欣,則為青雲及家輝謀福利:「衝破三千萬嘅感覺,係咪應該分紅畀我哋一班演員呢?講笑啫!大家咁支持,自然好開心,希望盡快開拍續集!」之前嘉欣與家輝早已相繼呼籲導演搞慶功,如今終於成真,嘉欣笑道:「我一定會參與,因為係我要求導演搞慶功。」

影帝點鬥戲?

另外,大家都覺得青雲與家輝在戲中特別合拍,青雲解釋:「我好相信,只要大家喺工作上有個共通點,彼此就會好容易溝通,不止係我同家輝,同嘉欣都一樣,畢竟大家都係熱愛演戲嘅人。」家輝亦承認,與青雲合作格外好feel:「埋位前,我們唔會講一陣你想點做、我想點做,甚至去研究劇情,但好多時一埋牙,感覺就會特別深入、真實,唔知點解!」問到會不會因為私底下也是交心好兄弟的緣故?家輝說:「我哋唔會好頻密咁聯絡,但傾偈時一定好坦白,好私人嘅事,我都會直接同佢講,談話內容好交心,我唔知道係咪因為咁樣,抑或部戲本身所產生嘅默契。」

嘉欣亦十分享受與兩大影帝交手,她表示﹕「拍戲嘅時候,基本上我好少入化妝間,鍾意留喺現場觀察,佢哋點樣去準備下一場戲,自自然然會有好多idea走出嚟,所以好好笑,導演一cut機、轉位,我同青雲都冇離開,索性坐喺原位,睇佢哋點樣打燈。」


來源 source: http://hk.on.cc
鍾意就快D Share啦!