掃呢頁CODE去手機

2019年4月25日 星期四

【揚言要幫心穎】港男Flow拍片抽水又下架 「柯南」上身多次質疑有人設局陷害 __,黃心穎,

《蘋果》踢爆「安心偷食」後,許志安和黃心穎都先後道歉,「受害人」鄭秀文(Sammi)選擇原諒,馬國明亦開腔表示除了Sammi,其他人都沒有資格發言。不 ...


《蘋果》踢爆「安心偷食」後,許志安和黃心穎都先後道歉,「受害人」鄭秀文(Sammi)選擇原諒,馬國明亦開腔表示除了Sammi,其他人都沒有資格發言。不過曾選港男的梁裕恆(Flow)就突然開腔力撐黃心穎,指「個男人同佢講會離婚,她才願意跟他一起。」(新聞連結: http://bit.ly/2GDqunE )



Flow事後被喪插抽水,不過昨晚10點左右,Flow突然「柯南」上身,拍片上YouTube狙擊「安心偷食」事件,他開宗明義說:「冇興趣追求真相可以離開,睇完繼續鬧我都冇問題,對我完全冇影響。」其後又稱:「我會問大家一啲問題,到最終我會畀番答案大家。」Flow多次質疑事件誰人最大得益,又多次懷疑事件經過悉心安排計算車廂中人,Flow在片中又說:「全城都喺度咁『蝦』一個咁嘅女仔,點解?」



Flow的片段上傳到YouTube後,又自己轉發到facebook,並留言:「斷送了前途!但是問心無愧!」不過Flow其後在11點半左右,就刪除了YouTube片段,當時瀏覽次數約有300人次。



Flow拍片全文:



各位網友大家好,由我發表嗰篇文章之後,網上嘅論調開始有所改變,再唔係單純簡簡單單咁去講成件事對定錯,而係大家去尋求真相,因為成件事有好多唔合理地方,好值得大家去思考。



咁我以下落嚟拍呢段片嘅目的,就係講番個真相畀大家聽,有興趣追求真相嘅人可以留低,冇興趣嘅人可以離開,或者睇完繼續鬧我都冇問題,對我完全冇影響。嚟緊我會問大家一啲問題,大家可以自己去思考一下,唔好淨係聽我去講,到最終我會畀番答案大家。



喺4月2號嗰晚,呢段關係已經發生咗兩年,有幾多人係知道呢件事,有幾多人係鬼?第1條。



第2條,樓下有幾多架的士喺度,佢哋上咗唔同的士,會唔會有唔同答案?唔同嘅結果出現呢?



第3條,車入面有4個角色,一個負責揸車嘅,一個係第三者,即係肥仔,冇咗肥仔成件事能唔能夠成功呢?嗰個揸車嘅係咪又係單純係揸車咁簡單?香港所有車都係右軚,而所有車cam正常都係會影住左手邊,因為乘客通常都係喺左手邊上落,當晚許志安坐右手邊,點解個車cam一早會對住右手邊?佢點樣可以一早預先知道許志安會坐喺右手邊呢?車入面邊個角色做到呢件事?



一般普通人嚟講,都唔會喺的士攬攬錫錫,點解?即使冇車cam喺度都好啦,因為始終有個第三者喺度,點解要咁做?而且佢哋係知名人士,許志安呢啲咁經驗豐富嘅藝人,正常唔會犯呢啲咁低級嘅錯誤,一定有原因。會唔會係個司機本身就係相熟、知道呢件事呢?



呢兩年嘅關係,知道呢件事嘅人其實有幾多呢?會唔會雙方嘅伴侶其實都知道呢件事呢?坊間有流傳佢哋嘅關係其實係默許咗嘅,鄭同許都默許咗大家出去玩,但係許會唔會有機會玩出咗真感情,會唔會係一方想報復呢?發生咗整件事後,最大得益係邊個?喺經濟上最大得益者,邊個宣傳大咗?邊個知名度高咗?邊個受人同情咗?



我相信問到呢度,大家心入面都有答案,大家開始知道成件事並唔係咁簡單嘅桃色事件。我係一個負責問問題嘅人,答案交番畀大家自己諗,呢個世界唔係每一樣嘢都有答案,但大家一定要識得去問問題。



發展到呢件事之後,許志安出嚟開記者招待會,佢話自己飲醉咗酒,色心起,佢嘗試將呢件事變做一段性愛開係,變咗一件桃色事件,絕對唔係!呢件事並唔係當日發生,並唔係大家所睇到嘅所謂嘅勾引、主動,因為關係已經一段時間,所以係唔存在勾引或者主動,大家去諗番清楚呢一點。



然後到鄭秀文嘅聲明、馬國明出嚟見記者,馬國明嘅態度,好似覆述緊一個第三者嘅事,完全睇唔出有任何傷心嘅,大家形容佢係一個好男人,我形容,大家從來都冇愛過,如果愛過,就係冷血㗎喇。同樣,鄭秀文亦都係吖,當晚就話捉住大家隻手,然後就話祈禱,然後就傾咗好多偈,大家有冇試過嬲過你老公?發生咗一個咁大嘅事件,即晚去原諒,有冇可能呀?會唔會只係一個公關嘅技巧,背後嘅原因係咩呢?會唔會係一啲商業嘅考慮呢?



點解我會企出嚟幫阿黃心穎,因為佢唔係賣,喺社會上、喺娛樂圈,呢啲事情係不斷發生嘅。喺娛樂圈發生咗好多咁嘅事情,係冇人追究過,但今次,全城都喺度咁『蝦』一個咁嘅女仔,點解?因為許志安冇樣?因為許志安冇錢?啲而家所謂嘅模範夫妻,曾經搞過人哋家庭、拆散人哋家庭,冇俾人話過,點解?因為佢咁就值得人尊敬、值得人欣賞?大家咁樣睇嘢㗎咩?而家係笑貧不笑娼㗎咩?的確係,真係而家好多人係咁。



好多人話我出嚟抽水,我知我咁樣講,可能以後連嘢都唔需要拍啦,我知道一定會俾網民不停咁圍攻,因為點解?因為大家唔思考、唔諗嘢、唔會追求真相㗎嘛!不過我亦都知道,好多都只不過係網絡打手,全部假account,空號嚟嘅,點解會有人想盡快平息呢一件事呢?都係一個商業考慮。咁慢慢已經有報章去報道,或者有網上評論員去越講越接近個真相,我相信好快會還我一個清白。



《MCU寶石時軸全記錄》

1套6冊解構Marvel電影宇宙

入場睇Endgame前必讀天書!

https://hk.adai.ly/IFk7iee55V

-----------------------------

【記住63836568】全民爆相爆片!下一個爆料王就係你

https://bit.ly/2Guolu9

-----------------------------

星期一至五晚上10點半

《動腦Q》Let's Q the money!

http://bit.ly/2QW8LcI





 先係拍片上YouTube話要講真相。 先係拍片上YouTube話要講真相。
 又自己轉發。

又自己轉發。
 但最後刪片。

但最後刪片。

鍾意就快D Share啦!