2019年4月25日 星期四

英超Fever:【雙紅之痛】曼聯打假波跣紅軍?堅尼話係! __,曼聯,

《彩報》豪裝,入市即贏!撳撳呢條Link,寶藏等你拎:http://win.on.cc/football/ 曼聯周四(25號)英超主場吞曼城2蛋,令同 ...




《彩報》豪裝,入市即贏!撳撳呢條Link,寶藏等你拎:http://win.on.cc/football/ 

曼聯周四(25號)英超主場吞曼城2蛋,令同市死敵重登榜首,賽前唔少球迷提出「同市共榮」嘅荒謬陰謀論,突然變得「似層層」,曼聯2大名宿加利尼維利同堅尼喺直播期間,竟然為「紅魔鬼」有冇盡力比賽出現激烈爭拗,堅尼更加直指巴西中場費特係「打假波」!

加利仔直播期間指出,曼城上半場表現其實好差,而曼聯已經踢出水準,只不過兩隊級數有別,屬於優勝劣敗。不過,曼聯昔日火爆隊長堅尼就反擊,怒插曼聯喺主場出戰只得1次中龍埋門係不能接受,更質疑有球員打假波:「你(加利仔)話佢哋已經盡晒力,但係費特所做嘢係詐騙、係假波,佢任由對手喺佢身邊走過!」

延伸閱讀:【57年最差!蘇B結局已寫定...】

https://bit.ly/2J0nvr3 

當加利仔表示費特本來就唔係擅於防守嘅球員,堅尼就加重火力:「費特將自己弱點暴露晒出嚟,交失波唔係咩奇事,但佢要盡力修補,而唔係由得史達寧走咗去,點解佢唔死命去追佢?只不過係2碼距離,如果咁就叫做盡咗力,曼聯嘅麻煩真係好大。」數據顯示,費特今場被曼城球員扭過5次,係全場畀對手扭過最多次嘅球員,而佢全場5次作出攔截,只係得1次成功。

其實除咗費特之外,堅尼亦批評失咗2個近柱波嘅迪基亞「唔係平常嘅佢」,大批網民亦喺社交網留言寸爆呢位西班牙鋼門:「迪基亞真係好憎利物浦」、「佢好唔想利物浦拎冠軍」。

東網體育FB同你追實體壇每個精彩時刻!

http://bit.ly/2ecTF2A 

支持本地運動員,一齊去「睇體」!

https://bit.ly/2DxX4XI 




來源 source: http://hk.on.cc
鍾意就快D Share啦!
Related Posts Plugin for WordPress, Blogger...