麥美恩阿媽之前被誤認做黃心穎媽咪，佢話媽咪好樂觀！
藝人麥美恩到銅鑼灣街頭，為《McCafé 20周年限定店發布會》擔任司儀。她表示做到此活動很感恩：「因為我忙緊拍《粵講粵㜺鬼》，多謝佢哋特登抽時間畀我出一出嚟，我陣間都要趕住返番入去，同埋對呢個品牌都有情意結，因為又係姓麥，又有意義，而且成立20周年，有好多情懷。」
另外，講到居於加拿大的媽咪之前被誤認是黃心穎媽咪，而被街坊指指點點，她表示事情應該已告一段落：「多謝記者朋友幫忙澄清同解釋番，多謝大家關心，係一啲小插曲嚟。（媽咪有冇唔開心？）佢性格同我一樣好樂觀，呢啲都係小插曲，唔需要太過理會，依家講番都係淡然。（有冇同黃心穎聯絡？）暫時未有，真係要空間，我都有見到佢家姐嘅Instagram ，見到佢哋回復番正常生活，始終都係認識，希望畀啲時間佢哋屋企人同身邊朋友。」
來源 source: http://hk.on.cc
|
鍾意就快D Share啦！
|
|
|
