朱玲玲今晚在尖沙嘴出席「慧妍雅集」活動，提到她早前再度榮升祖母，兒子霍啟剛與媳婦郭晶晶再添一女（新聞連結： https://bit.ly/2IZE3Ad ），朱玲玲開心表示：「係呀，多謝大家，係第3個孫女喇，而家有1個孫仔、2個孫女。」問她近日是否忙於探孫女，朱玲玲表示：「自己都OK啦，反而晶晶就會忙啲，始終要湊小朋友。」她說今次沒有特別獎勵郭晶晶。
朱玲玲透露因為與郭晶晶各有各忙，所以下星期的母親節也不會有特別的慶祝活動，她說：「反而前排5月1號，大孫仔（霍中曦）學校有個小提琴比賽，大家一齊去睇佢表演，（咁孫仔拉成點？）唔可以話好唔好囉，佢要多啲練習，不過都知道孫仔前一晚緊張到瞓唔着，不過，始終都係我哋屋企人睇就睇得最開心囉！」
問到剛出生的孫女似爹哋或者媽咪？朱玲玲表示：「似家姐（霍中妍），全部都似晶晶多啲，可能晶晶啲genes（基因）強壯啲。」提到2位孫女都像媽媽般靚女，身為1977年度香港小姐競選冠軍及最上鏡小姐的朱玲玲被問到將來會否叫2位孫女去參選港姐時，朱玲玲笑言：「而家太細個喇，唔知佢第二時個樣生成點，唔諗咁多喇。」
提到有網民提議要褫奪「安心偷食」事件女主角黃心穎的港姐資格，身為大師姐的朱玲玲表示：「呢啲嘢我冇留意，同埋我都唔係慧妍雅集嘅會員，就唔應該由我哋去講，同個后冠係由無綫頒畀佢哋嘅，應該由無綫去決定。」
另外，同場的翁嘉穗透露母親節將會舉家到峇里旅行，她說：「因為大仔喺外地讀書，最近返咗香港，所以決定舉行去旅行。」講到峇里是陽光與海灘，會否影泳照在網上分享？「睇吓狀態啦，其實咁多年都有keep住身形，亦有跳舞同做瑜伽。」翁嘉穗提到細仔今年3歲，即將會上學，問她有否持別準備，她說：「都唔會有太大嘅期望，總言之由得佢自然發展，唔會逼佢。不過細仔鍾意畫畫同學英文，比較靜態一啲，但都係佢自己喜歡嘅。」
《MCU寶石時軸全記錄》
1套6冊解構Marvel電影宇宙
入場睇Endgame前必讀天書！
https://hk.adai.ly/IFk7iee55V
-----------------------------
【記住63836568】全民爆相爆片！下一個爆料王就係你
https://bit.ly/2Guolu9
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI
| （左圖攝影：仇志德） | | |
| | | |
|
鍾意就快D Share啦！
|
|
|
