- 與鄧麗欣合作拍《殘影空間》 凌文龍演精神病患者 老人院慶生日
- 34分鐘前
馬上成為壹會員
會員專區 只限會員閱讀
由鄧麗欣 （Stephy） 、姜皓文、凌文龍等主演的新片《殘影空間》近日正式展開拍攝，昨日Stephy與凌文龍到新界一間老人院開工，講述Stephy去老人院探望父親時，初次遇上在老人院做看護的凌文龍。
適逢昨日是凌文龍33歲正日生日，劇組特地送上生日蛋糕為他慶祝，並一起於老人院內唱生日歌。凌文龍坦言於老人院過生日感到非常特別，同時亦很開心和感動，他表示︰「本身我諗住嚟開工，準備心情去演今次呢個失衡有精神病患的角色，冇諗過有人同我慶祝生日，好驚喜好開心，全部人同我一齊慶祝係好感動，但之後又要回復心情，準備去演一個唔太開心的角色。」
凌文龍透露過往在香港話劇團排練時，亦曾撞正自己正日生日，他直言自己甚少去慶祝，並謂︰「其實現在好少特別同屋企人慶祝，自己冇咩慶祝活動，生日當然有特別意義，但我每日都幾開心，所以生日冇話需要特別慶祝。」
他指平時與家人經常食飯，藉此維繫感情，他表示︰「屋企人都會問我忙唔忙，會唔會返屋企食飯，佢哋知我生日要開工，都話唔緊要，之後再補食飯慶祝。其實屋企飯成日都會返去食，呢一樣係我同屋企人維繫感情會做，所以唔會只有生日先會返去食飯。」此外，提到今年生日願望，他表示︰「希望自己做緊的創作和不同的作品，可以影響到文化和社會，呢個係我喜歡做戲劇的心願。」
立即下載APP，精彩內容壹手掌握
下載連結： http://bit.ly/Next29App如對會員訂閱制有遇到任何問題或意見，你可以致電 2623 9985，或電郵聯絡客戶服務主任cs@nextdigital.com.hk，我們定當盡力協助！
來源 source: http://nextplus.nextmedia.com
|
鍾意就快D Share啦！
|
|
|
