「契兄妹」特別情深，詹秉熙同顏仟汶撐完枱腳齊齊返屋企…
現年48歲的顏仟汶與80年代無綫小生詹秉熙年前上契，去年突然傳出已婚30年的詹秉熙搭上失婚「契妹」顏仟汶，還被拍得於元朗密會時搭膊翹手雨中漫步，甚至一支煙兩份食，男方及後展示與太太一家四口合照闢謠。
日前晚上9時許，顏仟汶與詹秉熙到九龍城歎日本菜，大食的顏仟汶連續幫襯兩間日本餐廳，轉場期間二人吞雲吐霧，在第二間食店更索性坐於門外的露天位置，毫不避忌，即使有途人眼望望亦懶理，繼續邊食邊傾。至凌晨12時許，顏仟汶似乎終於食飽，詹秉熙「自動波」埋單後，再由顏仟汶驅車一同返回元朗的香閨。當駛至村屋附近，顏仟汶先行落車返屋企開定冷氣，詹秉熙則為她泊車後，熟門熟路入屋，直至深夜仍未見離開。
重申「沒有離婚」
一直堅稱與詹秉熙是契兄妹的顏仟汶，再被問二人目前關係時，她說：「係好朋友。（詹秉熙係咪離咗婚？）佢唔會講太太嘅嘢。（如果真係離婚，你哋會唔會進一步？）呢個Moment唔會。（點解？）欠Timing。我哋係有食飯、有見面，亦唔需要避忌。（詹秉熙去你屋企喎？）佢搭我淘寶，嗰晚嚟攞嘢啫！好多朋友都有搭我買。我都單身咗好耐啦，總之依家同佢係朋友關係。」對於近日有傳詹秉熙已正式離婚，身在馬來西亞的他以簡單短訊回覆記者，表示沒有離婚。
來源 source: http://hk.on.cc
|
鍾意就快D Share啦！
|
|
|
