掃呢頁CODE去手機

2019年5月1日 星期三

黃心穎被消失《法證Ⅳ》重拍損失逾千萬 __,黃心穎,

形象插水的黃心穎,工作全面停頓。
黃心穎被消失《法證Ⅳ》重拍損失逾千萬藝人黃心穎車廂啜爆許志安,令形象、事業一鋪清袋,其主演的劇集亦無辜受累,無綫重頭劇《法證先鋒IV》因不想內地播出日 ...


黃心穎被消失《法證Ⅳ》重拍損失逾千萬

藝人黃心穎車廂啜爆許志安,令形象、事業一鋪清袋,其主演的劇集亦無辜受累,無綫重頭劇《法證先鋒IV》因不想內地播出日期受影響,已決定重拍,「滅穎」重生,由於心穎是第三女主角,補拍部分多達五十組戲,損失超過一千萬元!

黃心穎被爆搭上人夫許志安,惹來全城怒罵,形象插水,亦令兩人的工作全面叫停,女方主唱的《愛.回家之開心速遞》主題曲《在心中》即時被抽起,而她早前已拍好的四套新劇,包括《堅離地愛堅離地》、《丫鬟大聯盟》、《牛下女高音》和《法證先鋒IV》亦受牽連,原本接棒《鐵探》播出的《堅》劇已首當其衝被抽起,而據可靠消息指,無綫台慶重頭劇《法證IV》亦已決定重拍,當中包括台灣的七日外景,台前幕後再「埋位」開工,台灣連香港共五十組戲,加上要再次租借電影拍攝器材,損失超過一千萬元!

曾考慮電腦特技「換臉」

至於重拍原因是該劇已跟內地簽合約,將於11月在中、港兩地同步播映,在內地播劇需要取得批文,由於有關方面一直嚴打形象負面藝人,故演員若涉桃色醜聞,獲批機會近乎零,故無綫為免影響播放日期,決定重拍。在劇中飾演網絡記者的心穎屬第三女主角,受影響的部分達三分之一,因補拍需時,劇組已第一時間跟受影響的藝人黃浩然、李施嬅及譚俊彥等聯繫,幸眾人相當理解並即時作出配合,大隊預計下月可以開工,預計拍攝個半月,正積極揀選合適女演員取代心穎角色。

身為第三女主角的黃心穎(左)連累同劇演員要重拍。
  • 身為第三女主角的黃心穎(左)連累同劇演員要重拍。
監製梅小青之前與心穎、黃浩然及鮑起靜到台灣拍外景,如今要重拍。

  • 監製梅小青之前與心穎、黃浩然及鮑起靜到台灣拍外景,如今要重拍。
已離開無綫的李施嬅願意配合重拍,笑言極速「回巢」。

  • 已離開無綫的李施嬅願意配合重拍,笑言極速「回巢」。

《法證IV》監製梅小青接受訪問,承認重拍一事:「好多謝公司(TVB)喺金錢、人力、物力嘅支持,一班演員都好好,啱啱出事未決定點樣做嘅時候,佢哋已經WhatsApp同我講,會支持我嘅一切決定,當決定重拍要度期嘅時候,佢哋即刻應承。」她續稱內地方面亦非常支持該劇,曾向她提出多個補救方案,當中包括用電腦特技將黃心穎「換臉」,她說:「聽到呢個方法都有小小詫異,最終都係覺得重拍係最好嘅。」

李施嬅告別變「回巢」作

劇中主角李施嬅,坦言會配合重拍:「一定會做好成件事,套劇拍得好辛苦,之前啲Fans都話,我嘅告別無綫之作冇得播唔開心,所以都想播到。(啲期有冇影響?)其實拍攝檔期仲未定,自己喺出面都已經接咗一啲工作,不過會盡量配合。」談到已離開無綫,今次再拍,是否以新酬勞再接?她笑言:「吓!我都冇諗過呢個問題,不過如果6月拍,我諗我係離巢後最快回歸嘅演員囉!」談到受心穎事件拖累,會否不開心?她說:「又唔可以咁講,都係一件咁唔如意嘅事,唔好睇番以前,要向前望,大家點樣會令成件事做得更好。」

至於譚俊彥則表示:「都係啱啱收到通知,重拍一定一個問題疊一個問題,佢哋仲開緊會,暫時未知幾時重拍。對我就冇乜太大影響,因為呢段時間放緊假休息,唯一係7月開嘅音樂會,會少咗練歌嘅時間。」






鍾意就快D Share啦!