「安心偷食」自4月爆出後，女主角黃心穎則避走美國兼事業玩完，唯獨男友馬國明卻給予最大方的同情及維護。馬國明昨日出席活動時說與黃心穎的關係為「朋友」，他還叫大家不要攻擊黃心穎，似乎想幫女方求情，幫助她復出。問到是否變回筍盤，馬國明即笑說：「多謝大家畀面！」
相關新聞：【避走美國】劇集淪為倉底貨
黃心穎自爆出偷食許志安後，極速深潛避走美國，黃心穎男友馬國明在事件爆出後，翌日即開腔表示心情平靜，並說：「佢（黃心穎）仲好年輕，未來仲有好多路要行。」昨日有指馬國明承認與黃心穎已經分手，並將對方降呢做回「朋友」，但他在得悉安心事件時曾經感到憤怒。
馬國明昨日下午3時與劇集拍檔李佳芯在將軍澳出席活動，一身粉藍色西裝的馬國明顯得好醒神，在台上與粉絲互動有講有笑。活動結束後，大批傳媒圍住馬國明訪問，有備而來的他對記者問到他與黃心穎是否分手，關係是否降呢為朋友，幾乎是有問必答，問到是否已回復單身？他說：「我成日都想講，我哋都仲係朋友，希望大家都畀個機會佢（黃心穎）我覺得都鬧夠喇。」
| | |
避談有否見對方
馬國明在訪問中多次希望網民言論別過激，希望給予黃心穎一個機會，問到是否想幫她復出工作？他說：「唔係幫，只係件事大家反應過激囉，我都可以同佢繼續係朋友，點解大家反應咁激呢！」至於是否變回筍盤？馬國明說：「唔關事，大家畀面成日叫筍盤，其實就唔係真係咁筍嘅，多謝大家畀面！」安心事件發生，有否聯絡黃心穎或見過對方？馬國明避談說：「唔講，再答只會問得多啲。其實你哋都知佢𠵱家喺邊啦，報紙寫佢去第二度讀書嘛。」問到是否仍是情侶關係？他苦笑說：「唔答喇，唔知點解大家要劃得條線咁實。」
馬國明被指得知安心偷食後好憤怒，他澄清：「係有啲嬲，但唔可以用憤怒嚟形容，佢知自己犯錯。𠵱家仲嬲？大家仲係朋友，冇必要做唔到朋友。」問到跟黃心穎分手後，是否已準備接受一段新感情？馬國明稱：「我唔答喇，冇話準備好未。」
相關新聞：【偷食分手】黃心穎拍劇埋身媾馬國明
「修復咗自己個心」
若然黃心穎想復合又是否接受？馬國明即笑說：「呢啲假設性嘅問題唔答喇！」提到再拍拖時會否更小心，以及更關注女友行蹤？馬國明就表示：「呢啲將來嘅事，我諗都係專心做嘢先啦。」問到情傷好番未？馬國明就引用劇集中的醫生身份說：「其實我第一次出嚟回應我已經話我冇事，我自己修復咗我自己個心，我係心胸肺科，我自己修復咗，大家唔使擔心！」活動過後，馬國明即直接駕車回家。
對於馬國明表示與心穎分手，馬媽媽昨早離開寓所時，被《蘋果》追問此事，她表示自己一向不會主動詢問兒子的感情狀況，不清楚兩人分手多久。至於馬國明最近心情如何？馬媽媽笑言：「好呀！幾好呀，成日陪我行街飲茶。」戴着鴨舌帽的馬國明於昨午12時半駕車離開寓所，到灣仔會展停車場泊車，《蘋果》記者上前問與黃心穎是否分手，他低下頭未有回答，但對記者說：「唔該晒，辛苦晒。」之後走進酒店。
採訪：王連連
攝影：林賓利、吳耀輝、孔志豪
|
鍾意就快D Share啦！
|
|
|
