掃呢頁CODE去手機

2019年9月13日 星期五

英超Fever:蘇帥砌掂曼聯防線 計時炸彈續約加人工 __,曼聯,

(GettyImages)唔止足球睇波,仲有24小時滾動賠率,即時體驗:https://bit.ly/2UmNL0L 曼聯蘇斯克查全力重建球隊,防線算 ...


(Getty Images)


唔止足球睇波,仲有24小時滾動賠率,即時體驗:https://bit.ly/2UmNL0L 


曼聯蘇斯克查全力重建球隊,防線算係打造完成,《太陽報》報道,蘇帥決定與瑞典25歲中堅域陀連迪路夫續約4年,人工加雙倍至周薪15萬鎊,希望先穩住後防4人,打好根基重建球隊。


報道指,連迪路夫前年以3100萬鎊由賓菲加轉投曼聯,與曼聯尚餘3年合約,到2022年約滿,依家蘇斯克查畀多4年合約至2026,再加佢人工,希望佢好好同另外3位後防拍檔哈利馬古尼、勞基梳爾及雲比沙卡合作,共同鎮守防線。


曼聯剛經歷安達靴里拉約滿離隊嘅影響,嚟緊仲有門將迪基亞唔肯續約,蘇斯克查實在唔想球隊再有動蕩,所以希望後防主力4人都簽好至少5年長約,有固定嘅防線,球隊先有條件衝擊更好成績。


睇番曼聯幾位後衞合約年期,新加盟嘅哈利馬古尼及雲比沙卡合約至2025年,勞基梳爾亦剛續約至2024年,只要連迪路夫答應續約,防線基本人腳就齊晒。蘇斯克查表示:「當球員安定落嚟,球隊才會有更好表現,唔失波係球隊爭好成績嘅基礎,一支好球隊,往往都有鞏固防線。」


連迪路夫效力曼聯初期,經常被批評多甩漏,係防線其中一夥計時炸彈,不過佢同哈利馬古尼拍檔幾場,表現看來有進步,希望蘇帥今次冇睇錯人,佢真係幫到球隊。


立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。



來源 source: http://hk.on.cc
鍾意就快D Share啦!