2019年10月5日 星期六

王馨平:重提同鄭嘉穎分手 王馨平為老竇王羽平反 __,王馨平,鄭嘉穎,

王馨平否認係王羽棒打鴛鴦令佢同鄭嘉穎分手。歌手王馨平(Linda)早前接受電台訪問,透露最近參與了靚聲專輯《娛樂經典60年》,翻唱了1976年由石修及 ...


王馨平否認係王羽棒打鴛鴦令佢同鄭嘉穎分手。


歌手王馨平(Linda)早前接受電台訪問,透露最近參與了靚聲專輯《娛樂經典60年》,翻唱了1976年由石修及鍾玲玲合唱的《心有千千結》。這是王馨平事隔五年後再入錄音室唱廣東歌,更積極計劃舉行個人演唱會。


嘆終身成就獎來得太遲


王馨平是一代大俠王羽與林翠的大女,93年挾「王羽囡囡」及「甄妮徒弟」之名出道火速走紅,橫掃當年香港樂壇新人獎,在台灣推出的首張國語專輯《別問我是誰》曾創下大賣60萬張的紀錄。不過,有指當年王羽在Linda的事業同愛情都要插手,令Linda兩方面都幾經兜轉。早年王羽第二度中風後,一直在台灣醫院休養,對於爸爸將於十一月獲台灣金馬獎頒發「年度終身成就獎」,她不禁慨嘆:「是遲了點點,因為爹哋這次中風很嚴重,要是三年前得到這肯定,真的是皆大歡喜,大家可以開心慶祝。」


自認反叛有主見


王馨平亦否認當年爸爸棒打鴛鴦導致她和鄭嘉穎分手收場,她說:「大家以為我爹哋反對,我就聽爹哋話,其實你哋錯我唔係咁乖㗎,我都幾反叛,幾有主見嘅人,係到最後,我哋兩個行唔到落去,我會覺得作為父母,真係管到兒女感情嘅嘢咩?如果我要同某某一齊,我諗爹哋惟有接受啫!爹哋唔係咁固執,都有柔情一面。」


自責令父與甄妮反面


至於王羽與甄妮反面一事,Linda亦覺得自己有責任,她說:「或者有啲嘢唔係處理得好好,譬如甄妮,佢係我經理人,帶我入行,爹哋信任佢將我交託畀佢,爹哋同甄妮都係好硬脾氣嘅人,後來因為我嘅事,有啲唔開心,搞到最後拗交,我夾喺中間有少少左右為難,如果嗰時識得處理好啲、安撫好啲,或者唔會後尾打官司同反面,我唔會怪佢管得太多。」另外,提到感情事,她自爆與老公18年婚姻吵架少於十次:「老公會先認低威!」


---------------
立即參加「賞您睇」:https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。



來源 source: http://hk.on.cc
鍾意就快D Share啦!
Related Posts Plugin for WordPress, Blogger...