有時以訛傳訛，fact check好重要，昨日開始有不少人在WhatsApp瘋傳一條女聲指自己的家姐在太古城被「私了」，聲淚俱下，要跟抗爭者「割席」，不少網民指該名錄音者疑似TVB藝員楊秀惠！
不過，謠言止於智者，今早楊秀惠在社交網澄清，「我冇家姐，屋企人全部都住喺馬來西亞，最近亦都冇嚟香港。謝謝！」
事緣昨日有段「楊秀惠」錄音，指她的家姐是一位主婦在逛街時被抗爭者打至肋骨裂、眼腫瘀黑，「我好支持一啲抗議無理嘅條例，家姐今日喺太古城行街，然後有一班所謂嘅烈士喺度嗌口號抗議政府，我家姐係一個無知嘅師奶，佢只係好奇舉機影咗張相，畀佢哋見到，佢哋就周（圍）住我家姐，叫佢delete張相，佢都知大鑊，喺佢哋面前delete相都唔畀我家姐走，然後用好粗好粗嘅粗口，祖宗十八代連我阿媽都鬧埋嘅粗口嚟鬧我家姐，我家姐真係氣上頭，就推咗嗰個人一下，佢哋成班人就打我家姐」。
錄音者更一度哽咽兼唞大氣指她的「家姐」已報警，但不敢去驗傷，又聲稱烈士拿「家姐」錢包影身份證及回鄉證上載facebook群組叫人起底，將錢包掉到坑渠，錄音者哭泣稱有人將這個post轉發給她：「我家姐仲去老人院睇我阿媽，今朝帶佢去警署落案，叫佢去律敦治醫院驗傷，佢連東區都唔敢去，聽日再同佢去眼科，我覺得好恐怖係如果你為咗香港市民，香港社會好，點解要將一個路過嘅師奶打成咁，我好擔心……呢個moment，我冇辦法支持任何嘅抗議，如果你係啱，點解要將個師奶打成咁，如果係咁，我情願歸信共產黨，我做一個鵪鶉，佢哋唔會打到我屋企人咁，將一個平民打成咁，我唔想做一個香港人，我心唔會再支持呢一樣嘢。」
| 昨日有不少人在WhatsApp瘋傳一條女聲指楊秀惠的「家姐」在太古城被「私了」 。 | |
|
鍾意就快D Share啦！
|
|
|
