張文慈同張頴康，喺《解決師》一幕嘅對手戲出街後，張文慈就喺微博度話，隱若記得張頴康嘅對白唔係咁喎！連張文慈都覺得有唔妥
究竟《解決師》發生咩事呢﹖等壹仔話你知
劇情逐漸進入高潮嘅《解決師》，講黑白兩道，入面當然涉及唔少警察做嘢唔使你教嘅環節。不過套劇好多位都重新配音，令到唔少觀眾睇到黑人問號。
之前就爆出張頴康因為接受唔到阿爸係黑警，結果黑警兩個字就被配音改為「內鬼」。對於已經染紅，而且護警有責嘅cctvb嚟講，「黑警」兩字點出得街。
其實呢套劇唔單只淨係改呢個位，仲有好多地方都改咗。港版無晒，有網民發現海外版反而就原汁原味仲有得睇。好似第五集一場碼頭劈友戲，就手起刀落一鏡不留喇！同埋之後Madam Ma帶隊圍捕黑社會嘅場面，一樣無得留低。
之後張頴康去認屍，本來對白有浮屍，不過對染紅嘅cctvb嚟講，敏感嘅！所以點會唔俾人改埋。之後第六集，張頴康後樓梯私了「喪昇」，同埋「喪昇」喺羈留所用USB線自殺，唔使問都係無咗。
不過講到最敏感，肯定係第十四集一場講張頴康嘅私了片，片段已經俾人擺咗上網，內容係張文慈要佢停職接受調查，依家港首要訴求係成立獨立調查委員會，崩口人忌崩口碗，劇情講警員要接受調查，梗係剪，剪走去
唔怪得網民話睇到張頴康啲反應好唔連貫，難得張頴康喺呢套劇演技大爆發，結果搞到咁 真係戥佢唔抵喇！
其實除咗警察情節，仲有好多香艷鏡頭都刪埋，好似楊柳青服侍李天翔，出浴嗰幕的大露背shot消失之外，之前講到幾乎是全劇焦點嘅馮盈盈激戰張頴康，據聞都會大幅刪剪。
原來大台位剪接師才是真正的解決師！
【2019 區議會專題】
最齊全區議會入閘名單 互動民調
11.24 用選票重奪區議會
-----------------------------
【升級壹會員登記站 為你解疑難！】
沙田、旺角、荃灣、觀塘、銅鑼灣5區為你服務
詳情地址
來源 source: http://nextplus.nextmedia.com
|
鍾意就快D Share啦！
|
|
|
