絕對是香港娛樂圈史上 「一個累全家」之頭號代表事件及人物，安心偷一次情，男女主角事業即時直插谷底，許志安取消個唱尚算自作自受，但黃心穎有多劇在手，咁搞一搞連拍檔都要陪葬，真係害人不淺！
撰文、圖片：東方新地
黃心穎累人累物勞民傷財損失難以估計
黃心穎由於備受電視台力捧，搞到本來排隊出街的多套劇集重拍的重拍、抽起的抽起、播出無期的繼續沉底，浪費人力物力阻撓拍檔演員演藝發展，勞民傷財牽連甚廣，造成損失難以估計。
《牛下女高音》跑出神級甘草有口碑
各種因素之下，去年9月已經拍攝完畢的《牛下女高音》竟然峰迴路轉最後被安排成為台慶劇播出更離奇跑出，雖則黃心穎同張振朗係掛名男女主角，不過實情幾位神級甘草和大叔輩演員所佔戲份更重。
由吳岱融、蔣志光、歐瑞偉、鄭敬基、韋家雄、曾偉權等人組成的中佬合唱團才真正是劇集靈魂人物。多得各位大叔撐起套劇，加上劇情貼地老歌充滿香港情懷，《牛下》愈播口碑愈佳終憑實力蓋過安心醜聞影響。殊不知《牛下》收視報捷同時，失蹤七個月的女主角黃心穎以為雨過天晴亦都藉機浮面試水溫。
明星夢未發完黃心穎藉機浮面試水溫
以往一直活躍社交網絡、愛集郵愛夜蒲更有鋪晒名牌終日遊山玩水癮，今年4 月，黃心穎因為「安心偷食」事件最後發表道歉po文後便消失於觀眾眼前，人亦飛去美國避世。七個月來傳過轉行撈地產甚至誤傳過結婚，其實心穎BB一直唔甘心明星夢碎，《牛下》報捷就被她視為試水溫回流香港娛樂圈的天賜契機。
曾考慮轉行香港人善忘或有機翻身
知情人士透露：「七個月前情況太惡劣，最緊要係同馬明三年情都掹唔番，所以心穎真係心灰意冷係諗住轉行。不過估都估唔到《牛下》做到台慶劇，出到嚟反應唔錯，觀眾竟然冇乜鬧佢。心穎咪覺得香港觀眾善忘又被社會其他事分咗心，可以試完水溫再慢慢鋪路返嚟試吓露面囉！」冇鬧就唔代表有讚嘅， 抽水之前，係唔係應該多謝咗一班大叔演技歌藝精湛幫手轉移咗視線呢？
來源 source: http://www.nmplus.hk
|
鍾意就快D Share啦！
|
|
|
