【新增內容】
第39屆金像獎由主席爾冬陞主持，讀出得獎名單，張達明獲最佳男配、最佳女配角由資深演員區嘉雯奪得。55歲張達明今年憑《麥路人》首獲提名最佳男配角即獲獎，故事講述香港一班「麥難民」故事。在現今社會，一班生活在貧窮線下的小人物，無奈以24小時快餐店為家，而他們背後都有着不同的辛酸故事，反映貧富懸殊下，社會的民生和住屋問題。
憑《麥路人》贏最佳男配角獎的張達明，接受《蘋果》電話訪問︰「多謝多謝，啱啱先收到電話，剛剛瞓緊晏覺，今朝去做運動行山。睇吓恭喜郭富城定邊個……最佳男主角太保哥，係嗎？恭喜佢《叔‧叔》！」張達明其後補充得獎感受稱：「Thank you, thank you so much！我啱啱喺香港電台做訪問講咗幾句，呢個獎唔係我嘅，係《麥路人》嘅所有工作人員、演員同導演嘅，你哋做得好，我先做得到嘅！恭喜晒！真係希望快啲上，同埋得到更加好嘅迴響，恭喜！」
張達明畢業於演藝學院，集演員、編劇、導演於一身。早年他主力在舞台劇演出及寫劇本，1995年與黃子華合作棟篤笑而被觀眾認識，其後主力參與電視及電影。2012年他曾患鼻咽癌，並積極抗癌成功，康復後，繼續參與電影演出。
而67歲區嘉雯是資深舞台劇演員，首次接拍電影《叔‧叔》，便憑該片獲最佳女配角，她曾三度獲香港舞台劇獎最佳女主角。除演戲外，本身有教育文憑的她，早年邊演出舞台劇邊教書。故事講述兩名老年男同志，面對家庭、太太和子女，將自己的性取向一直隱藏。當遇到相知相愛的同路人時，卻因為傳統思想，不想破壞美好家庭，只好將這個秘密埋藏心底。
區嘉雯接受《蘋果》訪問，談到得獎感受，她說：「嘩！我聽到好開心，我冇睇呀，我好驚自己唔知自己得定唔得，我好唔慣睇住，心臟突發嗰啲嘢，好感謝主、又好感謝我哋嘅團隊，更加多謝Ray，好開心呀多謝晒。」爾冬陞亦在頒獎時稱區嘉雯是他估計的熱門人馬，不過他就錯誤讀出區嘉雯的姓氏。
-----------------------------
App內1-Click訂閱《蘋果動新聞》
按此了解更多
來源 source: http://hk.appledaily.com
|
鍾意就快D Share啦！
|
|
|
