徐天佑是去年反送中運動少有願意表態的藝人，早已被列作黃絲，天佑跟太太Olive的政治理念相同，他們前年花費百萬元在尖沙嘴開護膚品店，去年為支持社會運動而加入黃色經濟圈成為黃店。
趁着五一黃金周，二人今日落舖打點並接受訪問，店舖樓高兩層，裝潢舒適雅致，不時會有客人來「懲罰」，不過下層的spa區因禁業而空無一人。疫情下，經營是否相當嚴峻？Olive說：「之前成間舖閂門3個星期，spa區已經一個月冇開，希望7號真係開到，而家零收入。經營係有困難嘅，始終喺尖沙嘴地段，運動時同事都食晒催淚彈，啲人唔敢上嚟，疫情更加唔敢上嚟，所以舖面實有影響，而家未去到蝕錢，但就未賺錢。本身計劃嘅增長而家完全達唔到標，好彩我哋仲有網上生意，未需要告急咁慘！」天佑則認為疫情比社運的影響更嚴重，他說：「呢段時間係難賺錢，運動時都冇而家咁難，不過絕對要撐落去。」
生意經營艱難，Olive的舖頭聘請了10多名員工，她無奈要冇工開的按摩師放兩周冇薪假，幸好業主也輕微減租，她期望疫情快過，一切能夠盡快恢復正常。對於未來計劃，他們異口同聲：「見步行步」天佑謂無論如何也支持太太，他們互撐對方的行動就是傾訴，他們無所不談，就連看新聞見到不公平的小事也鬧一餐，兩公婆的政治理念也一樣？Olive堅定地說：「我哋所有嘢都好一致，大家一齊睇新聞鬧嘅嘢都好一致，意見同價值觀要相似係好緊要，咁先可以一齊生活。」
成為黃店一份子，Olive指有客人流失，同時亦有賺取客人支持，她說：「有流失嘅，亦賺取到多啲客，會有人嚟『懲罰』我哋，好感激佢哋。一個生意可以繼續係因為佢嘅產品、品質同埋服務，而唔係你係藍定黃。我哋係一間小店，有好多人支持本土製作。」天佑也感謝客人支持，一聽到「加油」二字令他感動，他說：「我哋係正面思想嘅人，諗住會好遲早都會好，其實聽到有客人講『加油』已經夠，呢兩個字好緊要。大家都好需要正能量，睇到香港人咁堅持係好感動，希望疫情快啲過，一定會好嘅！」
採訪：栐仁
攝影：仇志德
攝錄：廖達燊
-----------------------------
App內1-Click訂閱《蘋果動新聞》
按此了解更多
來源 source: http://hk.appledaily.com
|
鍾意就快D Share啦！
|
|
|
