2020年5月1日星期五

《叔·叔》獲劇本獎　太保奪編劇家協會最佳角色獎

太保與導演齊齊得獎。

香港電影編劇家協會頒發2019年度獎項，並邀得關錦鵬導演分享創造電影的心得。由楊曜愷導演、編劇的電影《叔．叔》榮獲2項大獎，包括「推薦劇本獎」及「最佳電影角色獎」。當中「最佳電影角色獎」是由《叔．叔》中太保飾演的阿柏一角奪得，可喜可賀。

榮獲「最佳電影角色獎」的太保表示：「《叔．叔》電影劇本係楊曜愷導演嘅心血，有幸不負所託。你唔睇唔知道，睇咗亦唔會嚇一跳，係一個發生在香港嘅故事，係一部同志電影，愛情電影，係感人嘅作品！《微風細雨》裏面有句歌詞『訴說著無盡秘密，讓我們共尋覓』，當初楊曜愷導演嘅劇本同誠意打動咗我獻出第一次，希望呢部戲可以感動香港觀眾。再次謝謝香港電影編劇家協會，謝謝你們！」

早前太保已憑《叔．叔》入圍台北金馬獎最佳男主角，更勇奪香港電影評論學會最佳男演員，和香港電影導演會最佳男主角。在今屆香港電影金像獎亦入圍最佳男主角，結果待定。這次再下一城，連獲香港電影編劇家協會2個年度大獎。

同時榮獲「推薦劇本獎」及「最佳電影角色獎」的《叔．叔》導演、編劇楊曜愷表示：「今次係編劇家協會第一次頒呢個獎，證明佢哋體會到一個角色演繹得好，除咗演員功勞之外亦都係因為劇本，角色寫得夠立體，有機會畀演員發揮。呢個係對每一個編劇一個好大嘅鼓勵同埋認同。」