2020年5月22日星期五

早起的鳥兒有運行　湯怡跑山野生捕獲發哥 #周潤發 #湯怡 #發哥

早起的鳥兒有運行　湯怡跑山野生捕獲發哥

湯怡日前跑山野生捕獲發哥。

67歲影帝周潤發（發哥）出名是行山發燒友，經常都有藝人、市民在山上野生捕獲他。所謂「早起的鳥兒有蟲吃」，一向熱愛運動的湯怡亦早起有運行，事關昨日清晨她跟好友周家怡去跑山，結果好好彩偶遇發哥，湯怡於社交網發文表示：｢除咗馬拉松以外，我真係未試過晨早5點起身跑步，瞓醒嗰刻落緊勁大雨，但大家都話照跑，既然大家意志咁強大，我又第一次跟跑，放飛機好似唔係咁好，所以即刻彈咗起身，天公造美，全程無雨之餘，回程時迎面撞到發哥！係！係發哥！同佢high five咗仲講咗句早晨𠻹！嘩！原來傳說中跑步跑山可以撞到發哥係真㗎，多謝家怡 @kayeechau 帶我去玩。」並附上跟發哥的合照，而發哥也貫徹一向作風負責揸機自拍，眾人見到呢位影帝都笑得特別燦爛，不過戴上Cap帽的發哥露出白色髮鬢，似乎抗疫期間都懶於染髮喎。