呢個「小三」好多男人都會有。
藝人余文樂同老婆王棠云不時都喺社交網甫相放閃，昨日「520」王棠云當然唔例外上載多張二人昔日嘅合照，並冧爆留言：「人生說長不長說短也不短，不說太久以後的未來，只要我們珍惜當下，不用給我轟轟烈烈的愛情，只希望可以跟你談戀愛到老，知足才是最美的。」相中見佢哋孖住去到世界唔同角落，十足糖黐豆咁相當冤氣。
不過晒恩愛之餘，王棠云亦趁機抱怨，原來佢哋兩公婆之間除咗多咗囝囝Cody呢個「電燈膽」，佢竟然仲要同手機遊戲爭寵：「就算現在有個麻煩鬼常常卡在我們中間，還有傳說對決也在每天跟我搶你，我依然愛你。」
另邊廂，楊愛瑾（Miki）亦有甫出同老公嘅拖手相，但就冇特別慶祝，老公更轉數好快咁解釋：「我問他， 520要吃個飯慶祝嗎？他說這個日子不適合我們香港人，明明廣東話就是唔要你的意思，為甚麼要慶祝呢？」令Miki都忍唔住笑指：「吹脹」。
來源 source: http://hk.on.cc
|
鍾意就快D Share啦！
|
|
|
