好靚呀！藝人譚凱琪今年3月低調宣布婚訊，同拍拖8年嘅圈外男友結婚。之後佢冇乜點晒過婚紗相，而近日譚凱琪終於喺社交網上載婚紗靚相，見佢着上豪華粉紫色婚紗 ...
藝人譚凱琪今年3月低調宣布婚訊，同拍拖8年嘅圈外男友結婚。之後佢冇乜點晒過婚紗相，而近日譚凱琪終於喺社交網上載婚紗靚相，見佢着上豪華粉紫色婚紗，裙襬勁大，似足一舊雲，非常有特色！呢套婚紗除咗凸顯出譚凱琪嘅仙氣，仲襯托出佢嘅Nice Body，事業線勁搶眼！
網友見到輯婚紗都勁Like，大讚有法國風，係咁問佢喺邊度影，但原來嗰度係香港嚟㗎！其實譚凱琪原本有諗過喺外地影婚照，但因為太多工作，最多都係請到一個星期期，最後只好留番喺香港影婚紗相。
