蔡潔參與無綫重頭劇《飛虎之雷霆極戰》演出，同吳卓羲擦出感情。
藝人蔡潔於劇集《飛虎之雷霆極戰》中飾演電腦專家，「四眼妹」造型有點傻更更，性格可愛，獲不少網民鍾愛，劇中，她更與吳卓羲以及余香凝大鬧三角戀，蔡潔笑言曾經試過有一日全日都是拍感情戲，令她十分難忘：「嗰日真係好特別，上午仲係朋友，傍晚就已經確立咗關係，不過，成日都喺度談情說愛，我嘅感覺好似不務正業咁，哈哈！」
首次跟吳卓羲合作，蔡潔笑言曾被對方「酷酷的」外型嚇倒：「開頭都有啲擔心溝通唔到，因為感覺佢比較Cool，開頭拍戲都幾緊張，但係當合作咗之後，覺得佢好Nice、好搞笑，第一日開工嘅時候，因為佢知我好多嘢都比較陌生，佢特登請飲下午茶，等我好快冇咗驚、擔心嘅感覺，可以好好咁融入到。」
蔡潔早年多拍電影，今次拍劇，她直言好期待：「呢套劇拍得好緊湊，有好多槍戰場面，（感覺如何？）因為拍劇時間會畀拍電影長，覺得好似同個角色一齊生活咁，好有塑造角色嘅空間。」
來源 source: http://hk.on.cc
|
鍾意就快D Share啦！
|
|
|
