馬國明風騷現身～
今日全城祝福「明湯戀」，講緊嘅係鑽石筍盤馬國明被東網斷正同湯洛雯（靚湯）拍拖，二人大方晒情侶公仔相默認愛，事隔一晚，今午馬國明開工時明顯春風滿面，仲冧滋滋咁開腔確定靚湯地位，對女友讚到上天，仲自爆已經見晒家長添！
馬國明怕怕醜醜咁接受東網訪問，佢大方承認靚湯女友身份，被問到計劃結婚未？他說：「未諗到咁遠！個Post都算係公開嘅，其實之前都喺訪問講過，我哋都有晒共識，如果畀人影到就講啦，無啦啦自己講又好奇怪嘅，就好似做新聞咁…又唔係好想有做新聞咁嘅感覺，咁啱尋日有人影到，就Post出嚟！係承認咗㗎（怕醜樣）希望大家畀啲空間我哋，等我哋可以進展吓！」
問到係咪已經入晒屋？馬國明直認不諱：「都同Uncle Auntie食過飯，睇你指入屋嘅定義係咩？」一問到靚湯有咩吸引力？馬國明即面都紅晒，笑笑口狂讚：「佢性格好簡單，好容易笑，追求嘅嘢都好簡單，同我都幾似～大家呢排傾開偈，又好似有啲感覺，咁就嘗試了解吓！」
來源 source: http://hk.on.cc
|
鍾意就快D Share啦！
|
|
|
