2020年6月13日星期六

網民不捨經典CD舖「執笠」冇歌聽　鄭秀文Sell新碟：唔使喊，mi會繼續唱 #鄭秀文

網民不捨經典CD舖「執笠」冇歌聽　鄭秀文Sell新碟：唔使喊，mi會繼續唱

近期網傳尖沙咀金馬倫道一間經典CD舖令執笠，不少人喊晒口話冇得聽Sammi演唱會，Sammi昨晚就喺社交網作出回覆。

近期網上熱話，位於尖沙咀金馬倫道一間貼足7、8「最後一天」、「執笠清貨」宣傳字句的CD舖上月終於結業喇！呢間CD舖令人最深刻的，除了執極都執唔去外，仲有一年365日由朝到晚大大聲狂Loop天后鄭秀文（Sammi）的演唱會DVD，成為不少香港人的回憶。見到網民議論紛紛，又喊晒話以後經過尖沙咀都冇得聽Sammi演唱會，當事人Sammi昨晚就喺Instagram搞笑回應：「老闆羅先生(Stanley)已經澄清只是搬遷了去海防道。yeah!!!!所以，唔使喊！mi仍然會繼續唱啊！而且mi剛剛推出了Follow mi concert 的4K影碟……」

Sammi仲乘機力sell上周才推出的《#FOLLOWMi 鄭秀文世界巡迴演唱會》4K UltraHD藍光碟。

醒目的Sammi仲「打蛇隨棍上」乘機Hard sell一吓上周才推出的《#FOLLOWMi 鄭秀文世界巡迴演唱會》4K UltraHD藍光碟，她續說：「4K；是規格超級高的畫質和音質，一般不太舊款的blu ray機就可以播放。mi自己看了，畫質和音質之高規格都令我大開眼界。真的。目瞪口呆。信我，它比現埸更現埸。看每一個畫面都清晰到像一埸享受。絕對買得過。哈哈！#老闆有玩䥫人賽好犀利好佩服啊 #希望大家經過這店又聽到mi歌時會有一點娛樂」想繼續重溫Sammi嘅演唱會，除了可以去海防道新店聽外，其實都可以買隻碟返屋企回味嘅。