2020年6月23日星期二

揚言有睇連詩雅主演劇集　陳家樂避談請女方撐新戲 #連詩雅 #陳家樂

揚言有睇連詩雅主演劇集　陳家樂避談請女方撐新戲

陳家樂雖然揚言有睇連詩雅新劇，但就避談請女方撐新戲。

陳家樂和湯怡在新戲《死因無可疑》中戲份極重，當然要支持首映禮。陳家樂表示自從賀歲片到訪過戲院後，今次再度踏足戲院好大感觸，因為當時疫情初期，令好多人好緊張，既戴口罩又全身消毒。他說：「雖然仍然有『限聚令』，但見到大家心情好返好多，疫情半年間自己休息了一段短時間，之前太多工作，令自己迷失。」當笑問他最大收獲是否追到連詩雅？他則說：「找返工作熱誠。（努力儲老婆本？）不嬲都有儲，希望將來會實現。」

湯怡坦言自己有多個月未有入過戲院，朋友日前睇過優先場後，本來認為她好離地，以前沒太多情緒，但今次戲中的表現終於有起伏，皆因扮演刁蠻女生。問到家樂喜歡那類型女生，他笑言只要鍾意甚麼類型也鍾意。可有請緋聞女友連詩雅到場？他避談指有邀請好多朋友，就算未能到場，也會推薦給朋友買飛支持，又揚言有睇到連詩雅主演的劇集，但未留意對方的戲份。