電影《死因無可疑》今晚在尖沙嘴舉行首映禮，導演袁劍偉率領林嘉欣、陳家樂、湯怡、廖啟智、歐錦棠、周家怡等現身，男子組合MIRROR、歐鎧淳、甘國亮等亦有到場支持。《死》片男主角黃秋生因身在台灣而未能出席，但亦有拍片希望大家能享受這部電影。
林嘉欣與導演老公袁劍偉一起受訪，她指黃秋生因在台灣而未能回港宣傳，袁劍偉說：「我好掛住佢，因為好想成個團隊一齊，但冇辦法，因為返嚟要隔離，返去台灣再隔離，咁就冇咗一個月。」會否擔心疫情影響票房？袁劍偉表示會盡力宣傳和謝票。提到他們撇低兩個女兒出席首映，林嘉欣說：「聽日要返學，佢哋都早瞓，爸爸跟少一晚功課。」
提到周家怡重返大台拍劇集《兒童醫院》，她坦言今次是因為獲曾在《導火新聞線》合作的導演方俊華和編劇潘漫紅的邀請。問她有沒有衣錦還鄉的感覺？家怡笑說：「咩衣錦還鄉呀，不過今次返去拍劇真係有好大感覺，最緊要係拍到一部大嘅作品。」酬金方面是否吸引？家怡坦言沒有問酬勞多與少。
對於MIRROR上周五推出新歌《IGNITED》的「Too Hot To Handle Version」MV，有網民不滿經理人兼MV導演花姐偏心姜濤、Ian和Anson Lo，隊長Lokman與姜濤、Stanley、Anson Lo和Tiger一同現身首映時，Lokman表示：「一首歌要分勻12個係唔容易，每首歌都有佢嘅特色，而我哋每個特色都唔同，所以要跟特色去分配番。」他更透露這首歌有另一個MV及Version，將在稍後推出。問到會否有hard feeling？姜濤說：「其實事前冇預測過有呢個反應，點解有兩個Version，係希望大家可以專注喺跳舞方面，所以我哋冇諗過邊個搶多邊個搶少，下個Version先係我哋唱得平均。」會否擔心歌迷掀罵戰？Stanley說：「可能fans會將焦點放喺MIRROR一首歌入面，但我覺得MIRROR其實有好多元素，例如我偏向劇、演員為主，所以每一個都可以係主。」會否影響兄弟情？Lokman笑指這是少事，姜濤說：「大事都唔會。」其他成員即笑說：「未必㗎，睇下大事係咩啦，搶人飯盒唔得㗎！」向來為食的姜濤笑指：「呢個我都唔得！」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
