劉佩玥昨晚在社交網晒孖苟芸慧的合照，好似小鳥依人般黐着苟姑娘，而一向嬌柔的苟姑娘披着大褸，如Mark哥般好有大姐風範，劉佩玥留言：「從來，我不相信一見鍾情，直到我遇見了妳，從來，我都是擔當大姐姐的角色，直到我遇見了妳，從來，好像是個很鐵定的詞語，直到我遇見了妳。#好似告白咁嘅 #唔好羨慕我 #感恩」。
而苟姑娘亦在自己的社交網貼兩傳戴口罩合照，寫道:「今天忙到連飲水嘅時間都冇。但睇返周末嘅約會相，即刻唔記得咗疲倦，淨係記得開心有趣嘅對話。我們甚麼時候再約一約...早上7點玩直播？」劉佩玥回覆：「Love u sis 早上7點直播我一定陪你玩」並附上一個喊住笑的emoji。
劉佩玥忽然高調宣告跟苟姑娘的姐妹情，網民留言：「好嗲好嗲喔」、「唔識你哋嘅一定覺得你哋係couple」、 「兩位女神合照十分賞心悅目」、「你使唔使笑到咁lum呀！」選港姐入行的劉佩玥，之前與馮盈盈和江嘉敏是三位一體的好姐妹，不過早前爆出馮盈盈和賭王公子何猷亨的船P事件後，有傳江嘉敏被踢出姐妹團，早前馮盈盈26歲生日，雖然在工作中度過，但劉佩玥買蛋糕為壽星女慶祝，而夾在中間的劉佩玥，不知是否左右做人難，故近期與零是非的人妻苟姑娘埋堆呢！
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
