前港姐張韋怡被姑仔開名力數…
曾參選2007年港姐嘅張韋怡（GoGo），落選後加入無綫，拍過多套劇集，雖然只係做小角色，但背後財力驚人，2014年與經營家族生意嘅有米男友Michael Poon結婚，入住8,000呎獨立屋，過着少奶奶，兩人育有一子。
不過尋晚張韋怡嘅姑仔就喺社交網發長文，指名道姓直指張韋怡「貪慕虛榮、挑撥離間」：「你做乜嘢都好，你唔會攞到甚麼着數，我一定會保護我屋企人，過去一年你喺不同嘅朋友圈，周圍散播妖言惑眾嘅謠言，真係忍無可忍、佛都有火，我要揭穿你嘅真面目，心地惡毒嗰個係你唔係我。」
又話對方「開口埋口都係錢」，兩人係冇註冊結婚，貪錢嘅程度令人咋舌。姑仔又表示因為張韋怡影響兩兄妹關係：「日家嘈屋閉喺度講錢，我哋全家都唔鍾意你，全家都被你鬧過，連老人家都唔放過。之前就同我扮friend，喺我面前扮可憐。」姑仔稱家人曾畀1百萬現金給乖孫做教學基金，不過最後卻變成張韋怡以過百萬報讀北京課程，更上埋娛樂新聞。
而6月24日佢曾喺社交網引用尼采名言「What doesn’t kill me makes me stronger」再有感而發話：「有位老人家叫我如果有一天他的女兒向我們道歉，請我原諒她！當然那些都是十惡不赦的事！我三十多年人看到最醜惡的靈魂！『原諒』絕對不會，對於這種低劣骯髒的，直接跨過ignore，零接觸零感覺零想法！『無法報復』因為我跟本沒有可能會做到這樣『險毒和無聊』！但是亦『絕對不會原諒』當沒事發生！不能放下的人，都係失敗輸家👍🏻 做人不能麻木地善良😌 特別係面對陰暗險惡的人！既然彼此軌迹磁場不同，何必糾纏🤷🏻♀️」
對於被姑仔數臭，張韋怡指與另一半係事實婚姻，佢親自回應東網時又表示知道姑仔將呢啲經歷，投放咗去另一個阿嫂身上，佢直言同老公、二伯都係同一陣線，假如對方再有進一步行動，不排除以法律追究。張韋怡：「其實姑仔同一番指控及相同對白已經早於6年前出現於另一個親二哥嫂嫂身上，所以我只係Copy case。我現在只需要回應，佢嘅每一字一句全部都係扭曲事實，惡意中傷。（會唔會困擾、委屈？驚唔驚再有其他指控？）我已經啞忍一年半以上，以自虐式零反應對應佢嘅橫蠻撒野，今日佢主動離開佢嘅『主場』出到正常社會，我先會以一直被動嘅身份向公眾還我清白。我忙到七彩，依家係創業期有五間公司，回家只係想休息和享受親子樂。佢36歲未婚、未有穩定感情、冇正常社交圈子、亦冇任何工作經驗，每日只係閒着在家中算盤。不過，EQ是感謝佢訓練出來，佢呢啲自編自導自演，莫須有指控，其實呢半年來都未停過。（點解決？）交畀老公家庭自己去拆解。（指控會唔會影響你做生意﹖）五間公司有兩間係老公打本，另外三間都係大老闆們賞識給我機會，邊學邊做股東身份參與，一直氣氛合作愉快。我已經唔係娛樂圈人，其實都唔想配合佢任何炒作，但咁樣被人做新聞，真係好無聊。」
張韋怡表示老公對她一直信任及支持，又認為真相所以家人也很清楚，大家是正常成年人、生意人，一切也應該點到即止，她說：「我係首當其中嘅受害者，我會好好保護自己，亦從未做過任何滋事行為，一直喺被動位置，見招拆招，好激氣、真係好無聊、好滋擾。」不過，張韋怡又認姑仔已是一個大女人，雖然是家中獨女，自細受到家人、哥哥忍讓，但也不能夠用一句「縱壞咗」就可以解決問題，認為她要為自己所作所為，誣捏言行負責任。
來源 source: http://hk.on.cc
|
鍾意就快D Share啦！
|
|
|
