樊亦敏、吳岱融與杜大偉今天於元朗出席活動，吳岱融表示疫情關係，已很久沒有出外踢足球，他說：「而家好似有好消息，話會放寬，因為我好鍾意踢波，冇得做（運動）好辛苦，不過都有做踏單車健身。」
吳岱融正在拍攝大台劇《BB大晒》，他表示因為疫情關係本來3個多月的拍攝，現在要近5個月才完成，在劇中他飾演馬國明爸爸，提到馬明與湯洛雯（靚湯）公告戀情，吳岱融說：「梗係恭喜佢！好戥佢開心！佢都唔細啦，我37歲結婚都俾人話遲。我之前都唔知佢（湯洛雯）爸爸係湯鎮宗，搵到個家庭背景咁好，好戥佢開心，馬明都係筍盤，又錫媽咪，佢請我都一定會去飲。」
吳岱融與樊亦敏一談馬明新戀情便雀躍，二人更搶着爆馬明跟湯洛雯在公司拍拖的蛛絲馬迹，樊亦敏說：「我之前喺化妝間成日見到馬明，明明已經放咗工，但係佢都喺化妝間出入，仲攞咗張外景凳坐喺化妝間同阿蕭（蕭正楠）傾偈，原來佢個嘴就同阿蕭講嘢，但係隻眼就望住第2個，我都覺得好奇怪㗎喇，平時都唔覺佢同阿蕭咁好感情。」問到當時有否察覺？她說：「馬明好好戲，係視帝，收眼神收得好好。」
吳岱融則爆跟馬明拍劇期間，經常有一個古裝女俠來跟他聊天，他說：「佢哋幾好傾，仲要係唔止一次，係好多次。」他還指馬明去年在電視台頒獎禮攞獎的時候，其他藝人均站立拍掌恭賀，吳岱融說：「我嗰一刻都嚇一跳，佢人緣很好，得眾心，靚湯能夠嫁畀佢，真係恭喜晒。」
採訪：羅慧敏
攝影：仇志德
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
