2020年6月12日星期五

翻唱新歌《呼吸有害》糖妹獲莫文蔚貼文鼓勵堅開心：feel so warm #糖妹 #莫文蔚

翻唱新歌《呼吸有害》糖妹獲莫文蔚貼文鼓勵堅開心：feel so warm

糖妹能夠獲得前輩莫文蔚親自貼文鼓勵，梗係開心

莫文蔚（Karen）最近為TVB劇集《飛虎之雷霆極戰》唱的主題曲《呼吸有害》，近期反應不俗，除了連友台ViuTV的《Chill Club 推介榜》都榮登亞軍外，其他後輩歌手一樣好鍾意，好似糖妹就即時喺社交平台唱咗個Cover，唔單止吸到2萬8千多個Like，連Karen都有睇，仲即日喺自己社交平台回應：「自彈自唱好好聽喔！有機會我們可以一起唱～」此舉當然令到後輩糖妹受寵若驚，第一時間放上社交平台開心share，留言：「我真的好開心呀呀呀呀呀多謝Karen嘅鼓勵，feel so warm」除了當事人開心，其他歌手同藝人都好羡慕，好似林奕匡同楊潮凱都分別簡單話：「哇！」及「Wow」。