2020年6月12日星期五

粉絲醉翁之意只在腫莊端兒開Live送糉派福利 #莊端兒

粉絲醉翁之意只在腫莊端兒開Live送糉派福利

近陣子莊端兒嘗試做直播，上次主題係運動，周六就包糉。

疫情下娛樂圈係重災區，唔少台前幕後都冇嘢做，唯有諗吓計求生，35E迫爆身材嘅莊端兒（Xenia）出名有睇頭，最近她積極進軍YouTube界想成為性感KOL，之前更上載多條片吸客試反應，仲會派福利晒半球。而上周六就處女做直播，換上運動裝教一眾巴打做運動，又介紹最愛貓咪。昨天她又出擊，身穿Deep V上衣，拎住糭子作直播預告篇，留言：「預告一吓，星期六晚上9點-10點，我會喺 up live度直播，同大家一齊包糭同傾偈，仲會有PK環節，希望大家可以留言幫手等我贏返次，有份參與嘅朋友都有機會，食到我親手包嘅糭㗎！Up號:xen23號:xen23約定你。」

相中莊端兒大晒脹爆身材，搞到一眾宅男錯晒Fo，真係流晒口水。唔少fans舉手話要，有人話「超級靚女，係咪真係你包㗎」、「我想試你手勢」、「應該會超好食」、「醉翁之意不在稯…只在腫」、「好想食你。。。啲糉」。

對於反應咁好，莊端兒都超級開心，她說：「因為疫情少咗工作，上周開始試水溫做直播，keep住同粉絲互動吓，暫試吓做一個月，睇吓反應點。我會每次諗吓主題，上次運動，又畀小貓觀眾睇吓，今次就包糭，仲會設問答環節，抽中嘅幸運兒就有糉攞，雖然首次包糉，但相信唔會太醜樣呱！而且佢哋應該貪玩，唔會太要求我包嘅糉。」