2020年6月19日星期五

與謝安琪結伴做Gym放閃戴住口罩張繼聰被網民認錯係林宥嘉 #張繼聰 #林宥嘉 #謝安琪

與謝安琪結伴做Gym放閃戴住口罩張繼聰被網民認錯係林宥嘉

張繼聰同謝安琪上載做Gym相，老公竟然被指似林宥嘉。

張繼聰(Louis)同謝安琪（Kay）結咗婚都13年，但兩公婆依然Sweet到爆。昨晚Louis喺IG放相，兩公婆戴住口罩，有心心眼嘅Kay小鳥依人咁挨實老公膊頭，Louis嘅眼神就相當得戚，仲留言話：「最近約會嘅地點Gym。」當然，醉翁之意不在Gym，而係大放閃光彈

唔少網民get到佢用意，回應好sweet、好閃、俊男美女…有fans勁妒忌留言「放開那個女神！」、「點解要咁浪漫？點解要咁sweet? 」但大部份人竟留言話他：「真係勁似林宥嘉」、「以為林宥嘉」、「林宥嘉做乜攬住謝安琪？」、「以為林宥嘉換咗女人」、「佢愈來愈靚，你愈來愈…」亦有人取笑以為Louis係木村拓哉、福山雅治、周柏豪甚至汪東城。