【新增內容、圖片】
歌手施匡翹和宣傳人員阿佳確診武漢肺炎，由於兩人曾到電視城，無綫人心惶惶，今日起封城兩日，昨天無綫內部流出一份兩人的14天行程表，並附有一份病毒測試名單，其中包括近20名藝員，連幕後估計牽連近百人。
在名單中的大台藝員，有部份做完測試後，紛紛在社交網報平安：
戴祖儀
今日上載檢測結果，她表示：「感恩！今日經過了人生最無助，最慌亂的一天。感激各界的幫助，家人朋友以及很多人的關心同慰問。我會繼續保持警惕。原來病毒距離自己真係可以好近，當真係發生嘅時候，原來真係好驚。真係好感恩好感恩好感恩！因為工作關係，呢幾日真係接觸咗好多人，所以post出嚟等大家安心一點。我明白報告出咗，都唔等於100%冇事，我都會繼續在家隔離。真係希望大家都百毒不侵，平安！」
周志康
昨晚貼口罩相並留言：「請大家放心，測試已做，有結果會向大家報平安。」今日貼檢測呈陰性的報告，「報平安！大家都要健健康康！」
許文軒
今日報平安：「喺報道出街後，我已立即去醫院做了核酸檢測，結果呈陰性。謝謝大家嘅關心、慰問和祝福，令到大家擔心實在萬分抱歉，我會繼續保持警惕，留意自己嘅身體狀況，乖乖留喺屋企唔會周圍走。為咗身邊愛你嘅人，希望大家時刻都保持個人衞生，戴口罩，勤洗手，減少社交接觸，千祈唔可以鬆懈。祝各位身體健康！確診者早日康復！」
陳欣茵
昨晚在IG Story留言：「立即照咗X光個肺好清，另外已做測試，耐心等待報告中，會在家自我隔離。」陳欣茵是《#後生仔傾吓偈》中的KOL，又在《學是學非》擔任「實習生」。
王虹茵
今日晒舉腳相並留言：「剛剛收到結果檢疫呈陰性，終於放下心頭大石，始終這幾天工作都遇見很多人，令大家人心惶惶，原來病毒就在自己附近，真的很害怕，真的很感激各界家人朋友的幫忙和關心，小妹會繼續做好預防措施，自我隔離，保持警惕！大家都要平安呀！」她是《後生仔傾吓偈》和《勁歌金曲》主持。
劉頌鵬
今日留言：「一言難盡的24小時，希望大家都平平安安。大家放心，收到消息後，我已經立即去咗醫院做測試...正在自我隔離等結果中。#人無事先做到世界冠軍」他是 《#後生仔傾吓偈》的其中一位意見領袖。
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
