武漢肺炎在港正爆發第三波疫情，多區出現染疫群組，娛樂圈今日亦告失守，除了女歌手施匡翹不幸中招外，其經理人Apple姐及公司宣傳人員阿佳共3人確診，至於Apple姐男友麥德羅亦已確診。由於圈中人經常和人接觸，一人中招恐多人染病，因此令圈中人人自危。
其中61歲麥德羅，現時仍在醫院隔離病房留醫，他今日透露日前於尖沙嘴麼地道一間私人場所舉行一個約有40人參與的fans聚會，聚會翌日即感到不適，入院後證實確診，他估計可能是當晚聚會後染病。可是，今晚有讀者陳先生向《蘋果》爆料，指麥德羅在發病的14日內潛伏期間，曾經和圈中多位藝人到尖沙嘴張公館飲酒飯敍，陳先生更提供多張當晚的照片，相中可見除了有麥德羅外，圈中人還包括有吳卓羲、謝天華、蔡一傑、高鈞賢、Joey Tang鄧建明和Mango王秀琳。
陳先生表示：「其實嗰晚我唔喺現場，不過有朋友8日前喺微訊朋友圈，貼咗呢幾張相，估計都係前後日子嘅gathering。當晚聚會，係電訊數碼兩個老闆喺張公館請食飯，以我所知擺咗3圍，請咗好多圈中朋友，全部一坐低就除低口罩，飲酒唱K玩足3個鐘，其實老闆本身都同古天樂好熟，成日食飯，不過嗰晚古生就冇嚟。」相中見到眾人在飯敍期間未有戴上口罩，加上一輪暢飲，個個面紅紅頭貼頭影合照，氣氛異常高漲，但自由奔放背後，若然其中一人確診者，同場人相信亦難以獨善其身。
《蘋果》今晚向鄧建明（Joey）了解，他說：「我係7月4號出席朋友一個生日派對，當晚我去到嘅時候唱咗首歌，嗰時麥德羅都未到，我同佢冇乜接觸，不過知道佢確診，希望佢早日康復。」問可擔心自己中招時，Joey說：「梗係擔心啦，我今晚都去咗做檢測，未知結果。不過我哋係14日前食飯，唔係呢幾日嘅事，嗰日自己到一到就走。」問之後可有到ViuTV錄影《Chill Club》時，Joey表示沒，而暫時也未收到新一集錄影通告。
-----------------------------
打國際線 《蘋果》英文版免費試睇按此下載/更新
來源 source: http://hk.appledaily.com
|
鍾意就快D Share啦！
|
|
|
