正版同翻版好似都有得撼喎！
昔日男神金城武曾被美國權威雜誌選為全球十大最性感男士之一，唔少男士都當佢係「人辦」，無論髮型定衣着都抄到足，依家科技發達，直頭可以照住嚟「變靚啲」！大陸就有位網紅吳桐成功「大改造」，現年40歲嘅佢簡直就似足全盛時期嘅金城武，雖然曾經整過兩次容，不過鏡頭背後，佢原來係90kg（近200磅）肥叔叔～
吳桐喺社交網上擁有夢幻顏值，坐擁近90萬粉絲量，已婚並育有一女嘅佢一直都係大眾男神，點知2016年一次直播就被爆出真身，原來真人係一名肥叔叔，粉絲幻想破滅後吳桐竟打蛇隨棍上，推出P圖教程，仲自稱「胖叔叔」，難得佢又夠得民心，人氣繼續升！
吳桐2018年就送咗第二次整容套餐畀自己，佢自爆自從30歲第一次整容之後，生活就變得不自律，仲食到變肥佬，加上真身曝光，佢積極減肥，半年內由90kg減到65kg，依家網民留言大讚佢係「是整形成功的案例」，真係唔怕你周身假，最緊要假得夠正氣！
來源 source: http://hk.on.cc
|
鍾意就快D Share啦！
|
|
|
