40歲的張栢芝現時專心湊三個仔，在網絡世界亦非常活躍，在IG拍片分享與仔仔的日常生活、減肥護膚心得，不時宣傳一下自家時裝品牌，她最新拍攝了一條「暴曬後唔甩皮的個人經驗」的影片，更指方便又免費。
張栢芝指自己由細到大都熱愛水上及戶外運動，所以想分享一些她的曬後經驗，她說：「當你感覺到你身體熱熱哋，有Burning感覺，即係你身體開始會有甩皮迹象。」她指做完戶外運動沖涼時，不會用暖水及沐浴露沖涼，她以個人經驗而言：「你嘅皮膚已經曬傷咗，再比熱熱哋或暖暖哋嘅水沖落去，甩皮嘅機會率就好高。」其實用凍水沖涼亦能為曬傷位置降溫及減少痛楚。之後她會為身體拍上蘆薈，但會預先放入雪櫃雪凍：「等佢有啲冰涼嘅感覺。」她指若身體不是很污糟，晚上可以用暖水沖涼 ，但依然不用沐浴露，直到第二天才逐漸增加使用沐浴露的份量來沖涼，這樣便能大大減低脫皮情況。
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
