湯盈盈早前自爆受疫情影響，自己和老公錢嘉樂花多了時間教兩個寶貝女做功課，自己負責教英文，但經常發脾氣，自嘲似十足「噴火龍」，令女兒由從前的「I love you mommy」到「I love you mommy, sometimes」，而負責教中文的嘉樂就直接將答案給女兒抄寫。為免影響一家人感情，盈盈最後決定請家庭教師，夫婦可以更輕鬆，而女兒亦可以得到更好的學習。
日前盈盈獨個兒到金鐘一間超級市場購物，下午3時許，黑衫黑褲的盈盈沒有戴口罩，拖住手推車行勻整間超級市場，買完凍肉，又買疏菜、水果和香料，之後再揀香檳和白酒，可謂滿載而歸。離開超市時，盈盈發現記者亦友善地打招呼，問到為何沒有帶囡囡同行？她說：「小朋友同啲同學仔去游水，我就自己做家務（買餸）。」
之後盈盈拿着餸菜到附近的洗車屋取車，準備上車時，記者再趁機會訪問。對於馬蹄露姪兒馬米高出書爆料，指在無綫曾被資深女藝員「Old Seafood」及「海產」冷言冷語，又批評她們恰新人或綠葉，當中矛頭直指《愛．回家之開心速遞》的演員，有傳「Old Seafood」是滕麗名、「海產」就是呂慧儀。盈盈身為《愛．回家》一分子，「David姐」盈盈亦有為好姊妹「熊若水」呂慧儀講好說話，笑說：「我有聽過呢個謠言，但成日都聽到呢啲negative嘅嘢，希望大家都可以positive啲去諗，唔好咁樣講人。」
採訪、攝影：朱志聰、梁繼光
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
