今屆港姐在疫情下繼續舉行，經過兩輪淘汰後，能晉身準決賽的16位佳麗已經麈埃落定。《蘋果》今日收到讀者黃小姐爆料，指其中一位入圍佳麗，被指貌似韓星的「女版金宇彬」陳楨怡家境不俗，爸爸是富豪級的印尼華僑，而現任男友Andy則是一名富家公子，男友的前度女友更是星夢歌手戴祖儀。
由讀者提供的相片可見，Andy與戴祖儀於2014-2016年期間拍拖，黃小姐表示Andy於英國大學Imperial College London時認識戴祖儀，她說：「Andy份人唔算花心，佢哋由大學一年級至三年級拍拖，之後先同陳楨怡開始。」相中的戴祖儀非常嫩口，估計只有18、19歲，無懼素顏拍照，但對比現在的樣貌，鼻樑明顯較高直，眼睛亦沒有以前般浮腫，未知是化妝技巧，還是曾經微調過。而Andy似乎偏好長腿女仔，曾在與戴祖儀一張合照上留言：「I Miss Ur Long Legs 」。
Andy與戴祖儀分手後不久，便戀上同樣擁有一雙修長美腿的陳楨怡，二人拍拖大約兩年，經常出入高級餐廳。黃小姐說：「Andy屋企算有錢，有幾隻AP錶（愛彼錶），出入會揸靚車。」而陳楨怡則被指家住銅鑼灣二千幾呎豪宅，出入有私人司機接載，黃小姐還說：「聽聞佢屋企人返到印尼，有成隊人接機。」
黃小姐透露自己是陳楨怡在英國讀書時的朋友，在英國期間陳楨怡好鍾意夜蒲，差不多每星期都會蒲一晚，回港後因家教嚴才減少夜蒲。她說：「咁喺外國貪玩都正常，佢份人冇乜嘢，但都會收兵。」陳楨怡被指整容，黃小姐反而覺得沒有：「如果整咗隻眼唔會咁啦。但以我所知佢以前身材好似冇咁勁，唔知係咪攝出嚟。」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
