【新增回應及內容】
62歲的香港知名時裝設計師鄧達智今日初步確診武漢肺炎，目前在家自行隔離等待醫院床位。由於鄧達智間中會到各電台開咪或受訪，他指未知自己是經由新城群組或三聯PR群組染疫，目前只能先在家休息，等待進一步化驗結果。據知，鄧達智的老公目前並未有染上武漢肺炎。
鄧達智證實初步確診，他接受電話訪問時，語調正常不覺有喘氣，他表示剛量完體溫，是36.5度，現在元朗家中自我隔離：「我係星期一發覺自己唔舒服，以為中暑，都唔知有事，冇特別理，後來有幾聲咳，有少少發燒，醫生朋友後來嚟我屋企幫我做test ，昨晚就初步確診，而Clement（老公）就陰性，冇事。」
鄧達智指自己上周六（18日）返了新城錄音做節目，之後再去了三聯的網台接受訪問，「因為新城有好多錄音室，三聯個女仔PR又係後來確診，所以我都唔知係新城定三聯嗰面（傳染到）， 我由周日（19日）開始Cancel晒所有活動，留喺屋企，屋企個工人姐姐都有驗，佢冇事，而家我在樓上，佢喺樓下，食品各樣佢就放喺樓梯度咁樣隔開，唔會接觸到。」
他指醫務衞生署指他病況不嚴重，加上未有床位，着他先留家中隔離，再等安排作進一步確診。至下午5時半，鄧達智表示現正等衞生署安排車接去醫院，由於今晚本約了徐小鳳及黃淑儀食飯，所以昨晚先做檢測，以防自己中招後再傳給二人。
網上亦流傳消息指，鄧達智上周四（16日）在港台主持節目《講東講西》，曾除下口罩，同一節目的 馬恩賜及劉天蘭，曾與鄧達智除罩合照。至於節目的兩位工作人員，就全程戴上口罩，其中一位已即時自我隔離，觀察14日。而鄧達智使用過的錄音室，除了有定期消毒，港台亦在本周三（22日）早甘進行過特別消毒。另外鄧達智上周六亦曾接受三聯旗下的網上平台《一本》主持人米哈訪問。
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.entertainment.appledaily.com
|
鍾意就快D Share啦！
|
|
|
