資深傳媒人潘小濤早前以私人理由辭去叱咤903時事評論節目《在晴朗的一天出發》主持工作，離開這個工作了15年的地方。雖然坊間有不少揣測，有傳與商台續牌的中期檢討有關，不過商台回應指潘小濤因私人理由請辭，亦曾「多番挽留」潘小濤，而潘小濤亦表示離職與續牌無關，純粹是個人因素，無法給予更多解釋，多謝大家的厚愛。
今日潘小濤最後一日在一台工作，一班同事為他舉行farewell Party，他們送上一個寫有「You'll NEVER WALK ALONE 我哋真係好X鍾意香港 潘小濤加油！」的3D立體蛋糕，搞到他有點眼濕濕並說：「感謝1台同事，好surprise，我一定會返嚟，我最想逐個同事錫一啖，不過呢個願望唔會成真，感謝各位。」
而今早潘小濤如常在二台主持《在晴朗的一天出發》，林海峰在節目一開始說：「今日應該唔係happy friday，天氣係非常之差，呢幾日都係會咁樣，再加埋呢，你知道星期五係有啲離別嘅愁緒，正所謂一個時代嘅終結。」在節目尾聲，潘小濤說：「寫咗15年嘅《萬佛朝中》今日要劃上句號，各位聽眾再會，天佑我城，香港人加油！」不過潘小濤會繼續主持到下月7日。
有網民留言表示為「天佑我城 香港人加油！」而感到心酸，亦有人說：「小濤，又話你繼續做串？原來今日係你喺一台last day，咁之後其實你仲有冇節目？」、「由第一日聽你客串做《晴朗》，到長期做《晴朗》，聽得出林海峰好喜歡你呢個拍檔，希望你得閒上來客串啦。祝你一路順風！前程似錦！」「小濤，你要繼續為我哋香港人發聲呀！今朝聽完最後一次《萬佛朝中》真係好唔捨得你呀！努力加油呀！」「小濤，謝謝你一直以來帶給我們的喜悅！真的捨不得你！保重啊」、「潘兄，保重呀！多謝多年用笑聲分享每個早上，多啲返嚟做嘉賓主持！」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
