武漢肺炎爆發第三波，連續多日過百人確診，政府再度收緊多項社交距離措施，包括晚市堂食禁令、戴罩令、限聚令及關閉處所，延長直至8月11日為止。限聚令由4人變2人，食肆午市堂食每枱只限坐兩人，變相一家幾口若要出外食飯，便要分開枱坐，葛民輝在家庭日一家三口出外食午飯，便分開兩枱開餐，相當守規矩。
讀者張先生透過《蘋果》的「爆相爆片」報料，指剛過去的周日（2日）下午1時許，於銅鑼灣利園一間cafe見到阿葛與太太Mini開餐，張先生初時以為阿葛與太太撐枱腳，但沒多久即發現原來阿葛25歲兒子Jabez坐在隔籬枱，張先生說：「阿葛太太坐坐吓突然走去隔籬枱坐，我先知原來佢個仔因為限聚令坐咗隔籬，個仔啲食物到咗，佢太太就坐過去同個仔一齊食，食食吓又返去同阿葛坐，兩邊走，阿葛雖然同個仔分開坐，但都見佢哋有交流嘅。」相片見阿葛跟老婆傾偈時七情上面，而讀者表示阿葛一家三口大概逗留一小時便離開。
阿葛家庭日前一日傍晚6時許，《蘋果》發現阿葛駕駛七人車到灣仔一便利店購物，之後再駛往他位於觀塘的寫字樓。阿葛開設自己品牌潮店，記者問他近日生意如何、可曾受疫情影響時，阿葛提高語調笑說：「梗係好好啦，梗係勁！」之後他再無奈說：「個個都陰公。」問到有何對策時，阿葛又再搞鬼回應：「睇多啲《蘋果日報》，個人就會理智啲，就精神好多。」記者問他可有甚麼建議或勸喻給政府，阿葛笑說：「政府邊度有得勸喻！聽政府話㗎嘛！我哋個個都好乖戴晒口罩，祝大家身體健康，同埋出街記住戴口罩。」至於員工可有彈性上班，阿葛說：「佢哋自己做自己嘢，未做妥嘅話佢哋識自己留低，好自律。」阿葛表示疫情不知何時結束，員工可能有很大負擔，希望所有僱主都會體恤員工苦況。
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
