無綫前總經理鄭善強去年底宣佈退休及辭任董事局執行董事職務，於今日1月1日生效，之前轉任董事局策略顧問至上月底，日前鄭善強向無綫員工發信道別，正式離開大台。
鄭善強1989年3月加入無綫任市場及營業部總監，過去數十年掌管營業部，但有知情人士向《蘋果》透露，鄭善強其實是大台高層權鬥之下的犧牲者：「幾年前佢俾李寶安（副主席）升咗上神枱，令佢冇得再過問廣告部嘅事，然後李寶安就加插自己嘅人去控制廣告部，搵咗一個以前同佢喺亞視合作開嘅徐堅剛做顧問，但近年大家都反TVB，呢個顧問當然唔能夠令到TVB廣告起死回生。鄭善強就俾人升咗上神枱，好似光緒皇咁俾人囚禁喺電視城，冇得再出嚟見客。跟住一路等等等，等到夠鐘退休，咪自己走人囉，其實今次佢都係被迫走㗎。」
《蘋果》向鄭善強了解，對於被指是大台權鬥下犧牲者遭削權，他笑說：「唔同人有唔同睇法嘅。」近年無綫因為報道反送中新聞偏頗，被鬧爆是CCTVB，並引發連串抵制TVB廣告客戶行動，記者問到過去一年無綫廣告收入因為被抵制而大跌有何看法，鄭善強說：「廣告嘅嘢我唔適合評論喇！近年社會環境、傳媒行業都變得咁厲害，我呢6個月做TVB顧問，都幫公司做咗份好詳盡嘅市場報告同建議書，但喺我同公司合約條款裏邊係唔可以透露，所以我都唔方便評論咁多。」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
