現年70歲的前無綫集團行政總裁助理鄭偉強早前確診武漢肺炎，今日他於社交平台上報喜，表示已經康復，今日可以出院。《蘋果》就此致電鄭偉強慰問他身體狀態，他以語音短訊回覆，表示自己留院七日，是人生中從未有過的經歷過：「好在平時都有做運動，醫生都話我身體都幾好，雖然年紀大有三高，都屬於高危病歷嘅病人，係長期病患者嚟嘅，咁但係都叫做慶幸啦。」
鄭偉強憶述剛入院時的情況，他指第一天打完針後，即發冷發熱，全身的骨頭都非常痛：「好似畀人打咗身咁樣，又頭痛、耳鳴。」他指因為打完第一針後，要待身體產生抗體，故要相隔48小時後才打第二針。鄭偉強表示昨日再次抽血化驗，而今天醫生表示其深喉唾液樣本已再檢驗不到病毒，他說：「最主要係個血入面有抗體，咁就可以出院返屋企。」他表示自己也擔心出院後仍有傳染家人中招的風險，但醫生對他表示不用太擔心：「佢就叫我唔駛擔心，話正常嚟講係唔會傳染屋企人，但係都要小心啲，戴口罩、清潔呀咁。」鄭偉強表示出院後會再休息多兩星期，其間儘量不會外出，他又笑言是次經歷可以拍成一齣喜劇：「劇本都唔使度，就呢個題材都可以加好多支支節節拍成一個喜劇，為咗度劇本而搞成咁樣。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：
iOS/Android
來源 source: http://hk.appledaily.com
|
鍾意就快D Share啦！
|
|
|
