郭富城和導演黃慶勳今晚在銅鑼灣，為電影 《麥路人》進行謝票。雖然戲院已經重開，座位距離仍受限制，但《麥路人》上映5日，已突破300萬票房，城城高興表示：「我覺得係唔錯嘅成績，好多謝入戲院睇嘅朋友，亦好多謝啲朋友將咁好嘅口碑同朋友分享。」雖然疫情仍未受控，但城城表示到戲院宣傳不太擔心，「我哋熱愛電影嘅人，唔會理咁多，而且呢部電影係我喜歡嘅作品排頭3位，所以我都唔介意出嚟做宣傳。」
城城自爆今日發生了一段插曲，他家中浴室的水喉要維修，原來這位維修師傅剛看完《麥路人》：「佢大約50幾歲，係基層人士，佢話睇完之後喊咗幾次，話我同鮑姐（鮑起靜）嗰條好感動，好耐冇見過咁好嘅電影；我唔知道喺咁嘅疫情下，乜嘢叫做好與唔好（票房），我用心拍好一部作品，票房嘅嘢交返畀電影公司，其他對我冇壓力。」城城指太太方媛已看過《麥路人》，同樣被感動得喊了幾次：「我太太睇戲係好不一樣，佢揀戲睇，精挑細選去睇，佢都好鍾意呢部，亦有叫朋友睇，佢朋友睇完都決定要包場請其他人睇，我覺得係好開心嘅事。」
提到學校復課，城城指女兒已經上學：「而家只可以返一日實體學，其餘就網上教學，暫時唔可以連續咁返學，我覺得小朋友喺校園學習係最好，希望疫情快啲過，之後有個正常生活，小朋友可以返學，要返工可以返工。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
