43 歲的陳展鵬同30歲的單文柔結婚2年，生埋B女「小豬比」。出名「愛妻號」的他，平日對住單文柔的畫面，十居其九都是一臉溫柔，甚至暱稱老婆做「大BB」。不過，日前《壹仔》發現陳氏夫婦孖住去撐枱腳，其間煎pan竟然對住老婆大發牢騷，心情似乎唔多靚。
其實自從B女「小豬比」出世後，煎pan密密拍劇冇停手，但作品似乎遇到阻滯。如去年5月已拍完的《唐人街》，原安排本月21號播出。宣傳片亦已出街，上星期，煎pan還滿心歡喜在ig上載宣傳片話：「好耐冇同大家見面。期待！」點知話口未完，大台臨時抽起，改播另一套新劇《C9特工》。有指《唐人街》因涉及抗爭題材，染紅的大台顧忌下臨時抽起。令煎pan付出成擔心血的作品隨時變「倉底貨」，又難怪他冇心機！
兩年拍三劇
女細老婆嫩! 近年煎pang 劇接劇，積極搵奶粉錢。上年年中，拍完《唐人街》之後，緊接開拍《逆天奇案》 。在疫情期間，又冒險為《超能使者》開工。連拍三套劇，但全都未有播出期。本以為苦等兩年，終於等到《唐人街》有機會叫糊，結果又撻Q。- 小豬比出世之後，煎pan 積極拍劇，搵奶粉錢。
- 由煎pan 同唐詩詠孭飛的新劇《唐人街》，疑涉抗爭題材，被臨時抽起。
大台突變陣
有指一向配合政府的大台，全面禁止所有敏感題材。日前在處境劇《愛．回家之開心速遞》入面，出現14秒「五一」黃手套之後，大台即刻補鑊，要求該集的導演辭職。而《唐人街》是以1940年代泰國唐人街做背景，講述華人被欺壓，要「團結抗爭」。一講到「抗爭」，唔使問都知觸動敏感神經！故一招「彈弓手」收回，改由繼續又係高Ling孭飛，同馬明擔正的《C9特工》，成功搶閘播出。- 大台突然改播高海寧同馬國明擔正的《C9 特工》。
睇BB床
新劇臨門撻Q!難怪日前煎pan對住老婆，都明顯心情麻麻，更不停發牢騷。煎pan曾經表示，「小豬比」出世之後，畀老婆休息兩年，會再追多個B。而家小豬比已經歲半，日前兩公婆又去睇BB用品，見單文柔主力睇BB 床，似乎追B計劃已經進行中。- 日前，煎pan 同老婆孖住睇BB床，似乎打算在追B。
搵老婆訴苦
之後，兩公婆搵地方撐枱腳，行了幾間餐廳，終於搵到心水。坐低之後，煎pan 開始掛住篤電話，起初都同老婆有講有笑。但之後煎pan 開始越嚟越勞氣，對住老婆不停發牢騷。見他越講越激動，好彩一向體貼的單文柔夠耐性，樂意做老公的聆聽者。發足成晚牢騷，離開時，煎pan依然面燶燶。老婆都搞佢唔掂! 唯有返到屋企，等小豬比出馬 ----------------------------
請即預購《噴火30年壹驚艷 性感女星典藏集》特刊，當年鏡頭下的李嘉欣、黎姿、朱茵、舒淇、邱淑貞等三十位經典港姐、性感女星，一一復刻，艷壓全港。
自取優惠價 港幣$83【按此搶購】
包運費價 港幣$110【按此搶購】
----------------------------
守住新聞自由 和你撐壹週刊計劃 每月港幣$300起
按此了解更多
-----------------------------
英國移民、升學、就業、買樓生活資訊！
立即加入「走佬去英國 － BNO 5+1 移民資訊研究所」
來源 source: http://nextplus.nextmedia.com
|
鍾意就快D Share啦！
|
|
|
